Шәһри Казан

Зәмирә Рәҗәпова: “Табиблар: “Сезнең балагыз тын алмый”, - диде. Бу сүзләрне ишеткәч, аяк астында җир убылгандай булды”

Бар да ничек кирәк, шулай булды: сабый сулады, тугач кычкырды. Әмма соңыннан... Бар да тынды... Бөтенесе дә тынды.

Зәмирәнең Инстаграм бите башка билгеле шәхесләрнекеннән аерылып тора. Ул реклама белән тулмаган, халыкчанрак дип әйтикме?! Алып баручы анда һәрвакыт ниндидер файдалы киңәшләр “элә”, үзе пешергән тәмле ризыкларның рецептын куя, алай гына да түгел, хәтта туры эфирда язылучылары белән бергәләп пешерә дә!


Күптән түгел Зәмирә Инстаграм битендә икенче улы Данилның дөньяга аваз салган көннәрен искә алды. Әлеге посттан аңлашылганча, икенче тапкыр әни булган вакытларда тырыш һәм мөлаем алып баручыга шактый авыр көннәр кичерергә туры килгән.   
“Бөтенесе дә 12 апрельдә башланды, - дип башлана әлеге пост. - Казанның зур сәхнәләренең берсендә ел да уздыра торган “Тамада-шоу” концертыннан... 150дән артык артист, 600 тамашачы, хәл итәсе меңләгән мәсьәлә! Ул вакытта йөклелегемнең 32 нче атнасы гына булса да, күпләр: “Сәхнәдә бала тапмаса гына ярар иде инде”, - дип борчылды. Әмма әлеге концерттан соң өч көн узгач, иртән билем авырта башлады.  Авырлы хатын-кыз өчен бу гаҗәп хәл түгел анысы, ләкин хәлем начарланганнан начарая, бил ныграк авырта башлый... Куркып һәм борчылып, табибыма шалтыратырга булдым. Ул исә: “Тиз генә минем янга!” – диде. 

Реклама


Һәм берникадәр вакыттан соң мин аның янында идем инде. Табиб миңа бер генә карады да: “Вакыт җиткән!” – диде. Халатым юк иде. Ә бит бала табу йорты өчен махсус матур халат аласы килгән иде! Киттем кибеткә халат эзләп! Көндезге сәгать 12дә кибеттә йөргән булсам, 16.00дә икенчегә әни булган идем инде. Данил бик кечкенә булып туды: авырлыгы өч килограмм да юк, буе - 51 сантиметр. Бар да ничек кирәк, шулай булды: сабый сулады, тугач кычкырды. Әмма соңыннан... Бар да тынды...
Бөтенесе дә тынды. Хәтта операция вакытында шаярышып сөйләшкән Светлана Владимировна да, Роза Насыйховна да. “Ничек анда минем балам?” – дип сорарга да дәшмәдем. Начар җавап ишетергә курыктым. Табиблар үзләре сүз башлады: “Сабый вакытыннан алдарак туганлыктан, кайбер әгъзалары тулысынча җитлекмәгән. Шуңа да аппаратка тоташтырдык. Шулай була ул, борчылмагыз. Менә, күрерсез, 7 айлык булып туганнар бик җитез була!” – дип, үзләренчә мине тынычландырмакчы булдылар. Бу сүзләрне ишеткәннән соң нәрсә булганы бар да төштәге кебек: реанимация, наркоздан айну, эчемнең авыртуы... Мөкәйләп дигәндәй реанимациягә кадәр барып, тәүге тапкыр улымны күрдем. Шундый кечкенә. Пыяла астында, борыныннан шланглар чыгып тора... “Пип, пип”, - дип торган аппарат тавышы. Бездән башка да балалар бар иде, кемдер – 2 килограмм, кемдер – 1,5, ә кемдер бөтенләй 500 грамм, әмма шулай да яшәргә маташып ята, ә табиблар фәрештәдәй алар янында йөгереп йөри. Мондый хәлгә беренче тапкыр очрадым, чөнки зур улым Аяз 4500 грамм авырлык белән, 57 сантиметр булып туган иде.
Баламның кювезы янында торганда бар белгән догаларымны укыдым. “Хастаханә диварлары чиркәү һәм мәчет диварларына караганда да ихласрак догалар ишетә”, - диләрме әле?! 


Яхшы хәбәр ишетергә теләп, дежур табиб янына килдем. Ул өметләндерә торган бернәрсә дә әйтмәде. Ләкин сөйләшүебез шул урында өзелде,  кайсыдыр баланың хәле начарайды да, табибны чакырып алдылар. Аны озак көткәннән соң, палатага төшергә булдым. Чөнки үземнең дә хәлем яхшыдан түгел иде. Әмма төшер алдыннан тагын бер кат баламны күрергә теләдем. Шунда табибларның балам янына җыелуын күреп алдым. Мине шәфкать туташы туктатты да: “Сезгә анда ярамый. Балагыз тын алмый”, - диде. Бу сүзләрне ишеткәч, аяк астында җир убылгандай булды. Бөтен авыртуларым онытылды. Ничек инде тын алмый?!..
Ишек каршындагы диванга утырдым. Табиб реанимациядән чыкканчы үзем дә тын алмадым кебек. “Балагызның хәле бик авыр”, - диде. Мин шундук: “Баш астына дога китабын салсак ярыймы?” - дидем. Ул каршы килмәде. “Иртәгә әтисе килә, алып килергә кушармын”, - дидем. “Әйдәгез, әтисе үзе бала янына керсен”, - диде табиб. Мин аптырап: “Алай ярыймыни?”, - дип сорадым. “Мондый вакытта без рөхсәт бирәбез, чөнки әтиләрнең энергетикасы көчле. Әниләр күп елый, арый, алар балаларына хәл бирә алмый. Әтиегез килгәч, миңа шалтыратырсыз”, - диде.
Макс килде, аңа махсус киемнәр бирделәр һәм улыбыз янына бергәләп мендек. Кювез янына килгәч, әтисе озак дәшми торды. Аннары: “Улым, уян. Без сине яратабыз!” – диде. Ышанасызмы-юкмы, бала шундук селкенә башлады. Шул кечкенә кулларның селкенүе мине ничек шатландырганын белсәгез?! Шәфкать туташлары, табиблар йөгереп килде. Мин шунда һәммәсен кочаклап үбәргә әзер идем. Табибларның эшләре бигрәк җаваплы һәм авыр!
Әмма шатланырга әле иртәрәк иде. Соңыннан безне республика балалар клиник хастаханәсендә тернәкләндерү курсы көтте. Баланы анда да реанимациягә алып киттеләр, ә миңа: “Сезгә урын юк, өегезгә кайтыгыз”, - диделәр. Ничек инде?! Бала табу йортыннан өйгә баласыз кайтыйм ди?! Алар тәкъдименнән баш тарттым, минем янга табиб чыкты. “Балагызның хәле авыр. Берәр хәл була калса, чакырырбыз. Кайтыгыз өегезгә”, - ди. “Берәр хәл була калса”?! Нәрсә әйтергә теләде ул?!
Макс: “Әйдә, кайтыйк”, - дигәч, кайтырга булдым. Юл буе кычкырып еладым. Күңелем әрнеде, әйтерсең дә йөрәгемне хастаханәдә калдырдым...
Өйгә кайттык. Әмма елаудан туктамадым. Максның нервылары бирешә башлады. “Җитте! Нигә елыйсың?! Ул бит исән!” – ди. Шулчак мин, аңыма килеп: “Әйе, чынлап та, ул исән бит!” – дидем...
Танышлар аша ДРКБның баш табибына чыктык. 
Ул: “Килегез, берәр нәрсә хәл итәрбез”, - диде. Шундук бала янына киттек. Безне дежур  табиб каршы алды һәм тыныч кына: “Балагызның гомеренә бернинди куркынычлык та янамый”, - диде. Аның сүзләре мине шулкадәр тынычландырды! Һәм без кабат өйгә кайтып киттек. Көн дә, ниндидер сәбәп табып, хастаханәгә барып йөрдек. Аның белән бер бүлмәдә булмасам да, янында булу да күңелне тынычландыра иде.
Икенче атна башында мин әйберләремне җыеп, бала янына ятарга дип килдем. Палатага керсәм, анда пыяла тартмада, зәңгәр лампа астында минем хәзинәм ята. Тормышымның иң бәхетле мизгеле шул булгандыр. Үзем дә сизмәстән: “Кадерле җан”, - дип куйдым. Шул мизгелдән соң мин кабат яши башладым.
Ике атна хастаханәдә ятканнан соң, безне өйгә чыгардылар. Ә өйдә әтисе безгә сюрпризлар әзерләгән иде...

Зоя СОЛОШИНА язып алды.

Нравится
Поделиться:
Реклама
Комментарии (0)
  • 22 января 2018 в 16:22
    Рәссам, карикатурачы Илдус Әҗемов: «Үзеннән-үзе көлә белмәгән кеше – ярты кеше ул» Табиблар, 17 минут көлү гомер озынлыгын бер елга арттыра, ди. Танылган рәссам, карикатурачы, шаржлар остасы Илдус Әҗемов та шул фикердә. Югыйсә, гомерен тулысы белән юмор, сатирага багышлап, татарларның бердәнбер сатира журналы булган «Чаян»ны чыгаруда 35 елга якын катнашыр идеме соң ул.
    54
    0
    0
  • 22 января 2018 в 15:48
    Әзәрбайҗан кухнясы: кадерле кунаклар килгәч кенә әзерләнә торган садж әзерләүне АДЫМЛАП ӨЙРӘТҮ Әзәрбайҗан кухнясы башкалардан яшелчәләр белән пеше­релгән итле ризыкларга бай булуы белән аерылып тора. Аларның күбесе махсус савытларда әзерләнә. Ипи урынына кулланыла торган чурекны - тандырда, питины - балчык чүлмәктә, пылауны - казанда, ә менә саджны шул ук исемдәге табада пешерәләр. Утта яралган ризык «Хан Булак» рестораны шеф-­повары Руслан Гурбанов белән...
    119
    0
    0
  • 22 января 2018 в 15:41
    «ҮЛГӘНЕҢНЕ КҮРСӘМ ИДЕ...» – Балам, син яшь кеше әле. Яшьлек кызулыгы белән кайчак әллә ниләр әйткән чаклар була, берүк, уйлап сөйләш. Бигрәк тә балаларыңа ямьсез сүзләр әйтә күрмә, алар каргыш булып әйләнеп кайтачак. Ана рәнҗешеннән, ана каргышыннан да куркыныч нәрсә юк, - диде Пенсия фондында чиратта торганда сүз алышып киткән Эльмира апа.
    286
    0
    0
  • 22 января 2018 в 14:26
    Минтимер Шәймиевның шәхси фотографы Михаил Козловскийны соңгы юлга озаттылар (ФОТОРЕПОРТАЖ) Бүген Казанның Актерлар йортында Татарстанның Беренче Президенты Минтимер Шәймиевның шәхси фотографы булган Михаил Козловскийны соңгы юлга озаттылар.
    108
    0
    0
  • 22 января 2018 в 12:54
    Коръән мәҗлесен туй төсле итеп уздыру кирәкме? Танышымны Балык Бистәсе районының бер авылына Коръән мәҗлесенә чакырганнар иде. Мәҗлес бик матур үтте, әмма күңелемне бер нәрсә генә тырнап тора, ди. Артыгын кылана бугай безнең халык, дип, бер дә иренмичә мәҗлескә әзерләнгән ризыкларның берсен дә калдырмыйча санап-тезеп күрсәтте ул:
    422
    0
    1
  • 22 января 2018 в 12:30
    Илсөя Бәдретдиновага кияүгә чыгарга тәкъдим ясаганнар! (ВИДЕО) Кичә Балтачта Илсөя Бәдретдинова концертында бик кызык хәл булган. Илнур исемле ир-ат җырчыга кияүгә чыгарга тәкъдим ясаган. Тәкъдимгә җырчы нәрсә дип җавап биргән? Үзеннән сораштык.
    1444
    0
    1
  • 22 января 2018 в 11:30
    Балаларны «пәрәвез» челтәреннән ничек аерырга? Балага тугач ук уенчык урынына фәлән меңлек кесә телефонын тоттыру гадәткә кереп бара. Бала әти-әнигә комачау итмәсен һәм еламасын гына. Кызганыч, моның бала сәламәтлеге өчен куркыныч икәне турында уйлап та карамыйбыз.
    97
    0
    0
  • 22 января 2018 в 11:19
    Рамазан Кәбиров: «Балалар приюты булу – татар халкы өчен оят ул» Һәр авыл, районның мөхтәрәм, бөтенесе өчен үрнәк, абруйлы кешесе була. Балык Бистәсе районының Югары Тегермәнлек авылында ул – Рамазан абый Кәбиров.
    68
    0
    0
  • 22 января 2018 в 08:38
    Балалар өчен нинди пособиеләр түләнергә тиеш? Соңгы арада редакция телефонының тынганы юк. Баласы булган гаиләләрне яңа елдан кергән үзгәрешләр кызыксындыра. Татарстанның Хезмәт, халыкны эш белән тәэмин итү һәм социаль яклау министрлыгы белән, балалы гаиләләргә кагылышлы пособиеләрне барладык.
    209
    0
    0
  • 21 января 2018 в 13:24
    Импотент Доктор кәгазьләргә күмелеп утыра иде. Нәрсәдер яза. «Илһам килгән бугай», – дип уйлады Гали һәм, сулыш алырга да куркып, ишек төбендә торуын белде. Ә доктор яза да яза. «Берәр нәшрият белән килешү төзегәндер, – дип уйлады Гали, – Китап язадыр...» Һәм аяк очларына басып кына стена буендагы кушеткага килеп утырды. Ниһаять, доктор китабының бер бүлеген язып бетерде бугай.
    286
    0
    4
  • 21 января 2018 в 13:12
    Көнчыгыш конференциясендә кем җиңүче булыр? Континенталь хоккей лигасында плей-офф уеннары башланырга әллә ни күп тә калмады, әмма Көнчыгыш конференциясендә җиңүчеләрне әйтеп булмый әле.
    93
    0
    0
  • 21 января 2018 в 12:15
    Казанда кайда чаңгы шуып була? (ИСЕМЛЕК) Кышкы матур көннәрдә чаңгы шумыйча мөмкинме соң?! Авыл җирендә ярый әле ул, чаңгыларыңны тотасың да, урманга, кырга чыгып китәсең. Ә шәһәр халкына прокат урыннарын эзләргә туры килә. Без сезгә Казанда чаңгы шуып була торган җирләрнең исемлеген төзедек.   
    87
    0
    0
Реклама
  • 16 января 2018 в 18:39
    Илфак Шиһапов истәлегенә
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
Соңгы комментарийлар
  • noname
    22 января 2018 в 17:16
    Бүген бер танышым "Шәһри Казан" сайтында сиңа комментарий язганнар, ә син җавап та бирмисең, дип шелтәләгәч, кереп караган идем дә, менә, гаебемне төзәтәм. Рәхмәт игътибарыгыз, сүзләрегез өчен! :) Кайчандыр Альберт абый безне чак кына укытып алган иде, махсус курс буенча керде. Шул дәресләрдән тыш аның белән аралашырга туры килмәде, шуңа да сез язган фикер минем өчен гайре көтелмәгән бер яңалык булды. "Әдәбиятчы" да дигән сүзләрегездән соң... үзегезне дә таныйсы килү теләге уянып калды) Мөмкин булса, языгызчы. Монда булмаса, ВКда яисә Фейсбукта - личкага. Шат булыр идем)
  • noname
    22 января 2018 в 14:47
    Исэнмесез Фирзэр Абый. Мин сезне бик хормэт итэм, жырларыгызны бик яратам. Авылны яратып сойлэвегез , сезгэ хормэтемне тагы да арттырды. Сезне юбилиегыз белэн котлыйм. Ижатыгызда унышлар, сэламэтлек телим.
  • noname
    22 января 2018 в 09:11
    Себехэналла мэшэалла куз тимэсен.молодец.Килэчэктэдэ зур унышлар насыйп итсен Раббым бер Аллам.Мин бик шат безнен татар кызыбызнын зур унышларына.Саулык бэхет тыныч хэерле бэракэтле гомер насыйп итсен Раббым бер Аллам сина Алинэ.
  • noname
    19 января 2018 в 23:18
    Өч һәм аннан да күбрәк баласы булганнарга 6 яшь тулганчы дарулар алу өчен 125 сум, коммуналь хезмәтләр, фатир өчен түләүләрдә 30 процент ташлама, мәктәп укучыларына, студентларга юлда йөрү өчен 282 сум дәүләт ярдәме каралган. Балалар бакчасына 50 процент ташлама белән түли аласыз. Түләгән сумманың бер өлеше компенсацияләнә. Гаиләдәге уртача айлык керем бер кеше башына 20 мең сумнан азрак булганда,өстәмә компенсация каралган. Биш һәм аннан да күбрәк баласы булганнар "Ана даны" медаленә ия була ала. Бу очракта һәр бала исәбеннән 5000 сум акча бирелә. Татарстан Президенты карары белән тиздән гамәлгә керәчәк авылдагы балалы гаиләләр өчен пособие турында әлегә төгәл генә мәгълүмат юк. Җитәкчеләр 1 февральгә кадәр барысы да ачыкланыр, дип вәгъдә итәләр.Әлеге пособиегә кагылышлы яңалыкларны "ШК" газетасыннан һәм сайтыннан күзәтеп бара аласыз, шулай ук теркәлү урыны буенча социаль яклау бүлегенә мөрәҗәгать итсәгез дә була. Хөрмәт белән,"ШК" газетасының бүлек мөхәррире Эльвира Мозаффар.
  • noname
    20 января 2018 в 11:13
Интервью
  • 15 января 2018 в 11:44
    Пенсиягә быел да 5000 өстәп түләнә дисәләр, нишләргә? Татарстанда пенсиягә 5 мең сум өстәмә түләүләр вәгъдә итеп шалтыратулар саны арткан.
    453
    0
    0
  • 15 января 2018 в 11:19
    Кеше бәхетсезлегендә бәхет корып буламы? Ата-ана өчен бала – бәгырь ите, диләр. Туганда кендек җепләре белән бәйләнгән ана белән бала арасы исә бүген дә галәмнең ачылып бетмәгән сере, табышмагы булып кала бирә.
    360
    0
    1
  • 15 января 2018 в 10:56
    Балтач районы Норма авылы мәктәбен ни өчен «кытай стенасы» белән тиңлиләр? Иң күп үзгәрешләр мәктәптә була дисәм, ялгышмамын кебек. Әле бер реформа, әле икенчесе, ул арада тикшерүләр килеп җитә. Бер уйласаң, мәктәп тормышы моннан башка да гел кайнап тора. Укытучылар, балалар, әти-әниләр яшәешенә, кәефенә дә бәйле әле ул. Хәтта мәктәпне тәмамлап чыкканнан соң да беркем дә аннан тулысынча аерылып бетми. Матур истәлекләр, классташлар, белем биргән укытучыларың гомер буе синең белән. Ул арада балаларың мәктәп сукмагына баса, аннан соң оныклар...
    275
    0
    1