Шәһри Казан

Түбән Камада вәхшиләрчә үтерелгән Гөлшатның апасы: «Аңа күз генә тиде»

10 гыйнварга каршы төндә, Түбән Каманың Красный Ключ бистәсендә вәхшиләрчә үтерелгән 28 яшьлек кызның гәүдәсе табыла.

Көн тудымы, күңелле яңалыклар белән бергә, шомлы, куркыныч хәбәрләр дә килеп тора. Бүген иртән килеп ирешкәне исә аеруча да тетрәндерде. 10 гыйнварга каршы төндә Түбән Кама районының Красный Ключ бистәсендә “Алнаш” өйрәнү-тренировка базасы территориясендә 28 яшьлек хатын-кызның үле гәүдәсе табылган. Башы һәм муены тирәсенә 11 тапкыр пычак белән кадаулары да билгеле. Октябрь аенда Түбән Кама шәһәрендә булып, шушы бистә тирәсендә ике көн ял итеп йөрүебезне искә төшерсәм, аңны җуяр хәлгә җитәм.

Түбән Кама шәһәрендә яшәүче Гөлшат Котенкованың (Шәйхиева) кичә кичтән чаңгы шуганда югалуы һәм бүген иртән үле килеш табылуы турындагы хәбәрләр белән социаль челтәрләр шыплап тулган.

Төркемнәрдә аны бары тик уңай яктан гына искә алалар, туганнарының кайгысын уртаклашалар һәм гаеплененең тизрәк табылып, үз җәзасын алуын телиләр.

“Аңа күз генә тиде”

Гөлшат Котенковага – 28 яшь. Әле яши дә башламаган яшь гомернең вәхшиләрчә өзелүе бер кызганыч булса, 6 айлык баласының ятим калуы икеләтә кызганыч. Аналык хисен татыса да, бу хискә тулысынча шатланырга да, нарасыеның тәүге адымнарын да, тәүге сүзләрен ишетү насыйп булмаган аңа.

“Татар-информ” хәбәрчесе мәрхүм Гөлшатның өченче буын туган апасы Ләйсән ханымны эзләп тапты.

– Аның кебек уңган, мөстәкыйль бала булмагандыр, – диде ул, күз яшьләренә буылып. – Тәнзилә апа аны, соң гына кияүгә чыгып, 35 яшьтә генә тапты. Гөлшат шуны аңлап, әнисенә бер дә авырлык китермәскә тырышты. Кечкенәдән тырыш, уңган, мөстәкыйль булып үсте. Укый-укый эшләде. Үзе аякка басмыйча, кияүгә дә чыкмады. Туйны да ире белән икесе эшләп тапкан акчага уздырдылар.


Ләйсән ханым сүзләренчә, Гөлшат сөйгәне Женя белән 2015 елда гаилә кора. 2017 елның 6 июлендә, бәхетләрен тулыландырып, кызлары Валерия дөньяга килә. Ире чуваш милләтеннән булса да, Гөлшат намаз укыган, ураза тоткан. Ире аның бер адымына да каршы килмәгән.

– Без соңгы тапкыр 1 гыйнвар көнне күрештек. Иренә төнге сменага эшкә булса да, ул кызы белән безгә кунакка килде. Ул көнне Башкортстаннан минем бертуган апам һәм аның кызы да кечкенә баласы белән килгән иде. Уфада яшәгәч, гел күрешеп булмый бит, Гөлшат апам Резеданы да, аның кызы Гөлназны күрүенә шатланып туя алмады. Икәү балалары турында сөйләшеп утырдылар. Шундый шат, бәхетле иде Гөлшат. Кичке тугызлар тулып киткәч, улым аны машина белән озатып куйды. Гөлшатның күңеле ни дә булса сизенгәндер дип уйламыйм, аның күңелсезләнгән чагы да булмады. Бик шат күңелле, ачык, бик чибәр дә иде. Туйдан соң да фотоларын журнал тышлыкларында чыгардылар. Күз генә тиде, – диде ул, кабат күз яшьләре аша.


Ләйсән ханым сеңлесенең чаңгы шуу теләге булуын да әйтеп узды.

– Яңа ел алдыннан мин шугалактан кайтканда аларга кергән идем. Гөлшатның әнисе Тәнзилә апа: “Кызым, сезнең дә шугалакка барасыгыз киләдер, баланы карап торам, барып кайтыгыз”, – диде. Гөлшат исә: “Юк, әни, минем тимераякта түгел, чаңгы шуасым килә”, – диде. Менә кичә шул теләген чынга ашырырга чыккан булганнар, күрәсең. Кичә Гөлшат Женя белән, кызларын да алып, чаңгы шуу базасына барган. Женя төнге сменада эшли, кичке алтыда эшкә иде аңа. Баласын ашаткач, Гөлшат чаңгы шуарга киткән. Женя кызы белән машинада калган. Берникадәр вакыт узып, шалтыратып-шалтыратып та телефонын алмагач, эзли башлаганнар. Төне буе эзләгәннәр. Гөлшатның энесе Әнвәр дә апасын чаңгы белән эзләгән. Бүген төнлә Красный Ключ мәчете янында җансыз гәүдәсен тапканнар, – дип елады ул.

Бүген Тәнзилә апа белән сөйләшеп алдым. Хәле бик авыр. Шулай да, укол кадагач, әзрәк сөйләшә алды. “Югалган дигәч, табарлар дип уйладым. Үлгәндер дип башыма да килмәде”, – дип елый ул да.

Реклама

“Бик тыйнак кыз иде”

Чаллы дәүләт сәүдә-технология институтында бергә укыган төркемдәше Елена Шпаковская Гөлшат белән ике ай элек күрешкән.

– Якын дуслар булмасак та, без аралашып тордык. Соңгы тапкыр ике ай элек күрештек. Ул нәни кызы белән урамда йөри иде. Озаклап сөйләшергә мөмкинлек булмады, чөнки баласы көйсезләнде. Гөлшат бик мәрхәмәтле, тыйнак кыз булды. Ул фәрештәгә тиң зат иде, – диде Лена.

“Гаилә, балалар турында хыялланды”

Гөлшат “Старый Амбар” кафесында пицца пешерүче булып эшләгән. Хезмәттәшләре дә аны бары тик яхшы яктан гына хәтерли.


– Мин ишеткән бу хәбәрдән һаман шок хәлендә әле, һич кенә дә ышана алмыйм. Без “Амбар”да бергә эшләдек. Мин – су-шеф, ул пицмейкер иде, – ди Айрат Сәетгалиев. – Гөлшат тыйнак, уңган, эшчән булуы өстенә, шулкадәр чиста кыз. Бик тиз эшли иде. Аны бөтен коллектив яратты. Женя белән очраша башлагач та, аның өчен чын күңелемнән шатландым. Алар бик матур пар иде. Гөлшат бик тәртипле кыз. Женя да эчми-тартмый, спорт белән шөгыльләнә, бик максатчан егет. Укыды да, эшләде дә. Гөлшатның әти-әниләре мөнәсәбәтләренә каршы булса да, Женя сөйгәнен яулый алды. Гөлшат бик тә гаилә корырга теләде, балалар турында хыялланды. Бар теләкләренә ирешкәч кенә... Мин бу хәлгә ышана алмыйм.

Алинә Мозаффарова да Гөлшат белән ел ярым бергә эшләгән. Ул - Гөлшатны соңгы тапкыр күрүчеләрнең берсе. Алар Яңа ел алдыннан очрашкан. Соңгы күрешүләре хакында хәзер фотосурәтләр генә сөйли инде.


Россия Тикшерү комитетының Татарстан буенча идарәсе хәбәр иткәнчә, кичә Гөлшатның ире һәм 6 айлык баласы белән базага чаңгы шуарга килгәнлеге билгеле. Сәгать көндезге 2 ләр тирәсендә (14.00) ул чаңгы шуарга чыгып китә. Әмма кичке 5 ләр тирәсендә (17.00) хатыны озак кайтмый торуына иренең эче поша башлый. Борчылып ул хокук саклау органнарына хәбәр сала. Нәтиҗәдә, бүген төнге сәгать 2 ләр тирәсендә база территориясендәге урман массивында волонтерлар ханымның гәүдәсен таба.


Әлеге факт буенча Россия Тикшерү комитетының Татарстан буенча тикшерү органнары тарафыннан РФ Җинаять кодексының 105 нче маддәсенең 1 нче часте (үтерү) буенча җинаять эше кузгатылган. Полиция үтерүдә шикләнүченең фотороботын тарата һәм бу кешене табуда ярдәм сорый.


P.S. Гөлшат кичә 13.05 сәгатьтә “Вконтакте” челтәрендәге шәхси битенә кергән.  

 

Автор: Чулпан ШАКИРОВА
Фото: vk.com

Интертат

Нравится
Поделиться:
Реклама
Комментарии (1)
  • noname
    11 января 2018 в 12:51
    Бу фотороботны полиция таратмаган. социаль челтәрдә бу рәсемне генә түгел, "үтерүче" дип гаепсез кеше фотосын да урнаштырганнар.
  • 23 января 2018 в 16:15
    Альпинистлар ярышларга «мәче» белән йөри?! Шимбә иртәсе. Урамда чатнама суык. Гадәттә, мондый вакытта кешеләрнең күбесе өйләреннән генә түгел, җылы юрган астыннан да чыкмый. Ә кайберәүләр салкын дип тормый, бозлы кыя өстенә менә, шулай ял итә. Сүзем альпинистлар турында.
    52
    0
    0
  • 23 января 2018 в 15:19
    Авылда мәдәният тармагында эшләүче яшь белгечләргә өстәмә акча түләнәчәк Авылда мәдәният тармагында эшләүче яшь белгечләргә өстәмә акчалар түләнәчәк. Бу хакта кичә Татарстанның Мәдәният министрлыгының киңәйтелгән коллегия утырышында билгеле булды.
    265
    0
    1
  • 23 января 2018 в 15:03
    Грипптан дарчин саклый Өендә дарчин (корица) торган кеше грипп белән авырмый икән, ни өчен дигәндә, әлеге тәмләткеч вирусларга каршы көрәшергә сәләтле.
    84
    0
    1
  • 23 января 2018 в 14:46
    «Язмышыма үпкәм юк: 15 яшемдә кыйнап сукыр калдырган үги әтиемне дә кичердем» «Аллаһы Тәгалә, бәндәмә күтәрә алмаслык кайгыны бирмәм, дигән. Адәм баласы барысын да күтәрә. Мине дә сынады Ул, ә мин бирешмәдем. Язмышыма да үпкәләмим, 15 яшемдә кыйнап күзсез калдырган үги әтиемне дә кичердем. Намаз саен аның рухына дога кылам...»
    240
    0
    4
  • 23 января 2018 в 14:30
    «Шәһри Казан» журналисты – җиңүче! Бүген Ветеринария һәм фитосанитария күзәтчелеге федераль хезмәтенең Татарстан буенча идарәсендә “Электрон ветеринария сертификаты. Продуктлар куркынычсызлыгы һәм сыйфатының яңа дәрәҗәсе” бәйгесенә йомгак ясады.
    95
    0
    1
  • 23 января 2018 в 14:06
    Фирзәр Мортазин һәм Салаватны нигә «ир белән хатын кебек» диләр? Бу көннәрдә Фирзәр Мортазин зурлап, “Пирамида” концертлар залында 60 яшен билгеләп үтте. Тамашаның масштабын һәм анда кемнәр катнашканын, ул көнне интернеттагы фотоларга күз салсаң, барын да чамалап була иде.
    222
    0
    3
  • 23 января 2018 в 11:52
    Илдус Нафиков: «Кирәк булса, җинаять эше дә ачарбыз!» Өлешләп түләүчеләр, банк белән бәйле кризис, ришвәтчелек, татар теле мәсьәләсе... Татарстан прокуратурасының еллык коллегиясендә күпләрне борчыган әлеге темалар күтәрелгән. Республика прокуроры Илдус Нафиковның җитди чыгышыннан күпләр киеренкелектә калган.
    121
    0
    0
  • 23 января 2018 в 11:25
    Казанда ике автобус катнашындагы һәлакәттә 7 кеше зыян күргән Бүген 7.20дә Ямашев проспектындагы 115нче йорт каршында 60нчы һәм 10нчы автобуслар бәрелешкән.
    116
    0
    0
  • 23 января 2018 в 11:15
    Атна башы буранлы, атна ахыры салкын булачак Республикада буран алдагы тәүлекләрдә дә дәвам итәргә мөмкин. Татарстан актив циклон йогынтысы астында калган.
    104
    0
    1
  • 22 января 2018 в 16:22
    Рәссам, карикатурачы Илдус Әҗемов: «Үзеннән-үзе көлә белмәгән кеше – ярты кеше ул» Табиблар, 17 минут көлү гомер озынлыгын бер елга арттыра, ди. Танылган рәссам, карикатурачы, шаржлар остасы Илдус Әҗемов та шул фикердә. Югыйсә, гомерен тулысы белән юмор, сатирага багышлап, татарларның бердәнбер сатира журналы булган «Чаян»ны чыгаруда 35 елга якын катнашыр идеме соң ул.
    79
    0
    0
  • 22 января 2018 в 15:48
    Әзәрбайҗан кухнясы: кадерле кунаклар килгәч кенә әзерләнә торган садж әзерләүне АДЫМЛАП ӨЙРӘТҮ Әзәрбайҗан кухнясы башкалардан яшелчәләр белән пеше­релгән итле ризыкларга бай булуы белән аерылып тора. Аларның күбесе махсус савытларда әзерләнә. Ипи урынына кулланыла торган чурекны - тандырда, питины - балчык чүлмәктә, пылауны - казанда, ә менә саджны шул ук исемдәге табада пешерәләр. Утта яралган ризык «Хан Булак» рестораны шеф-­повары Руслан Гурбанов белән...
    173
    0
    0
  • 22 января 2018 в 15:41
    «ҮЛГӘНЕҢНЕ КҮРСӘМ ИДЕ...» – Балам, син яшь кеше әле. Яшьлек кызулыгы белән кайчак әллә ниләр әйткән чаклар була, берүк, уйлап сөйләш. Бигрәк тә балаларыңа ямьсез сүзләр әйтә күрмә, алар каргыш булып әйләнеп кайтачак. Ана рәнҗешеннән, ана каргышыннан да куркыныч нәрсә юк, - диде Пенсия фондында чиратта торганда сүз алышып киткән Эльмира апа.
    471
    0
    3
Реклама
  • 16 января 2018 в 18:39
    Илфак Шиһапов истәлегенә
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
Соңгы комментарийлар
  • noname
    22 января 2018 в 17:16
    Бүген бер танышым "Шәһри Казан" сайтында сиңа комментарий язганнар, ә син җавап та бирмисең, дип шелтәләгәч, кереп караган идем дә, менә, гаебемне төзәтәм. Рәхмәт игътибарыгыз, сүзләрегез өчен! :) Кайчандыр Альберт абый безне чак кына укытып алган иде, махсус курс буенча керде. Шул дәресләрдән тыш аның белән аралашырга туры килмәде, шуңа да сез язган фикер минем өчен гайре көтелмәгән бер яңалык булды. "Әдәбиятчы" да дигән сүзләрегездән соң... үзегезне дә таныйсы килү теләге уянып калды) Мөмкин булса, языгызчы. Монда булмаса, ВКда яисә Фейсбукта - личкага. Шат булыр идем)
  • noname
    22 января 2018 в 14:47
    Исэнмесез Фирзэр Абый. Мин сезне бик хормэт итэм, жырларыгызны бик яратам. Авылны яратып сойлэвегез , сезгэ хормэтемне тагы да арттырды. Сезне юбилиегыз белэн котлыйм. Ижатыгызда унышлар, сэламэтлек телим.
  • noname
    22 января 2018 в 09:11
    Себехэналла мэшэалла куз тимэсен.молодец.Килэчэктэдэ зур унышлар насыйп итсен Раббым бер Аллам.Мин бик шат безнен татар кызыбызнын зур унышларына.Саулык бэхет тыныч хэерле бэракэтле гомер насыйп итсен Раббым бер Аллам сина Алинэ.
  • noname
    19 января 2018 в 23:18
    Өч һәм аннан да күбрәк баласы булганнарга 6 яшь тулганчы дарулар алу өчен 125 сум, коммуналь хезмәтләр, фатир өчен түләүләрдә 30 процент ташлама, мәктәп укучыларына, студентларга юлда йөрү өчен 282 сум дәүләт ярдәме каралган. Балалар бакчасына 50 процент ташлама белән түли аласыз. Түләгән сумманың бер өлеше компенсацияләнә. Гаиләдәге уртача айлык керем бер кеше башына 20 мең сумнан азрак булганда,өстәмә компенсация каралган. Биш һәм аннан да күбрәк баласы булганнар "Ана даны" медаленә ия була ала. Бу очракта һәр бала исәбеннән 5000 сум акча бирелә. Татарстан Президенты карары белән тиздән гамәлгә керәчәк авылдагы балалы гаиләләр өчен пособие турында әлегә төгәл генә мәгълүмат юк. Җитәкчеләр 1 февральгә кадәр барысы да ачыкланыр, дип вәгъдә итәләр.Әлеге пособиегә кагылышлы яңалыкларны "ШК" газетасыннан һәм сайтыннан күзәтеп бара аласыз, шулай ук теркәлү урыны буенча социаль яклау бүлегенә мөрәҗәгать итсәгез дә була. Хөрмәт белән,"ШК" газетасының бүлек мөхәррире Эльвира Мозаффар.
  • noname
    20 января 2018 в 11:13
Интервью