Шәһри Казан

Рөстәм Миңнеханов: «Машина төзү комплексы безнең илдә, шул исәптән республикада да икътисадның мөһим өлешен тәшкил итә»

Казанда ачылган унҗиденче халыкара «Машина төзелеше. Металл эшкәртү. Казан» һәм «TechnoСварка» дип аталган махсус күргәзмәдә 13 илдән 170 компания катнаша. Җитештерүчеләр әлеге күргәзмәләрдә заманча станок, инструмент һәм эретеп ябыштыру җайланмаларының эшен күрсәтеп, яңа клиентлар җәлеп итәргә өметләнә.

Татарстан Президенты Рөстәм Миңнеханов күргәзмәләрне ачу тантанасында: “Машина төзү комплексы безнең илдә, шул исәптән республикада да икътисадның мөһим өлешен тәшкил итә. Бүген без биредә машина төзү оешмалары өчен мөһим булган күрсәткечләр белән таныша алабыз”, дип белдерде һәм күргәзмәләрнең машина төзү өлкәсендә алга этәргеч булуын теләде. Россия Президенты Владимир Путин илнең икътисади потенциалын күтәрү – стратегик бурыч һәм бу максатка сәнәгать өлкәсе тармакларын, шул исәптән машина төзүне үстерү юлы белән ирешеп булганын ассызыклаган иде: “Машина төзүне без икътисадның драйверы буларак карыйбыз. Бик зур экспорт потенциалына ия булган тармак милли уңыш, Россиянең технологик әйдаманлылык билгесе булырга тиеш. Машина җыюны җайга салу гына түгел, ә Россиягә алдынгы технологияләрне күчерү, илдә технологик яңарыш үзәкләрен булдыру мөһим”.  

Татарстан Президенты Рөстәм Миңнеханов күргәзмәдә стендлар белән танышудан тыш Чехия, Германия, Белоруссия сәнәгатьчеләре белән аралашты, яшь роботчыларны Президент чыршысына чакырды.
Татарстанда сәнәгать белән хакимият арасында хезмәттәшлек үсүен WorldSkills International директоры Дэвид Хоуи да билгеләп үткән. Аның сүзләренчә, мондый хезмәттәшлек конкурентлык базарында эшләү чоры өчен бик мөһим. Ул шулай ук 2019 елда Казанда узачак WorldSkills International чемпионатының да югары дәрәҗәдә узачагына өметләнеп калуын белдерде.

Реклама

Күргәзмәдә катнашучылар арасында үзләренең эшләрен киң итеп күрсәтүчеләр – Татарстанның Европадагы партнерлары. Шулар арасында сәнәгать кораллары җитештерүче һәм төзекләндерүче ANAJ Ross дип аталучы Чехия компаниясе дә бар. Казан күргәзмәсен дә өченче тапкыр катнашучы әлеге компаниянең Россиядәге бүлекләре Санкт-Петербург белән Тольяттида эшләп килә. Хәзер алар Татарстанның машина төзүчеләренең игътибарын җәлеп итәргә тели һәм Чаллы зонасы белән кызыксына. Компаниянең клиентлар белән эшләү буенча директоры Ольга Михаликова сүзләренчә, автотөзелеш барган җирдә махсус инструментларга ихтыяҗ бар, бу машина төзүне нәтиҗәлерәк итә һәм чыгымнарын киметә. ANAJ Ross компаниясе вәкиле Татарстанны бизнес үстерү өчен уңышлы зона дип саный.

Тюрингия Җире дип аталган стенд берничә немец компаниясен берләштергән һәм алар барысы да Татарстан белән тыгыз хезмәттәшлек итүгә өметләнә. Әлеге компанияләрнең кайберсе күргәзмәдә беренче тапкыр гына катнашмый. Тюрингия һәм Татарстан арасында дустанә элемтәләр урнашкан, үзара хезмәттәшлеккә дә берничә ел, әлеге күргәзмәләр бу компанияләр өчен республикада үз эшләрен җәелдерү һәм яңа партнерлар табу мөмкинлеге булып тора.

 

Нравится
Поделиться:
Реклама
Комментарии (0)
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 8 декабря 2017 в 14:15
    Ләйсән Таишева ни өчен улына гадәти булмаган исем кушкан? Ел башында Ләйсән белән интервью эшләгәндә: “Кайчан бәби алып кайтасыз?” – дип сораган идек, ул: “Кияүгә чыкканчы, кайчан кияүгә чыгасың?” – дип йөдәтә иделәр, хәзер игътибар бәбигә күчте. Малай яки кыз алып кайткач: “Аңа иптәшкә тагын берәрне алып кайтыгыз инде”, - дип йөдәтерләр. Бәбигә кагылышлы сорауга мин: “Кайчан туса – шунда була”, - дип җавап бирәм. Ул бит бер безнең теләктән генә тормый”, - дип җавап биргән иде.
    1314
    0
    3
  • 8 декабря 2017 в 14:21
    Сүрия качкыннары: «Тынычлыкның кадерен белегез» «Сүриядәге барган вакыйгалар тормышка башка күзлектән карарга өйрәтте безне. Сугыштан да куркынычрак нәрсә юк икән. Тынычлыкның кадерен белергә кирәк».
    256
    0
    0
  • 8 декабря 2017 в 15:22
    Төп йорт килене нинди булырга тиеш? Балык Бистәсе районының Балтач авылы мәдәният йорты директоры Әминә Гатиятова белән сәнгать җитәкчесе Гөлфинә Сәлахиева төрле мәдәни программаларны уйлап чыгарып кына торалар. «Төп йорт килене» әдәби-музыкаль кичәсенә дә халык клубны шыгрым тутырып җыелды.
    122
    0
    0