Шәһри Казан

Хәниф Исхаков: «Бәхет бит ул күпкырлы...»

Бар шундый кешеләр: алар белән аралашканнан соң, күңелдә яктылык, ниндидер бер аңлап-аңлатып булмаслык нур кала. 15 февральдә 80 яшьлек матур юбилеен каршылаучы Хәниф Исхаков белән беренче тапкыр очрашуыбызга карамастан, күптәнге танышлар кебек күрештек. Һәм ике сәгатьтән артык сөйләшүебез дә ниндидер бер рәхәт дулкында узды.

Андагы энергия, тәҗрибә, җаваплылык хисе (эштә генә түгел, әйткән һәр сүзенә карата), акыл вә зиһен, күзләреннән бөркелгән очкынны күреп, ихластан «сөбханалла!» дип куйдым. Дәрәҗәләренә, ирешкән уңышларына карамастан, үзе турында язарга килүебезгә кат-кат рәхмәт әйтеп, ихластан куанып, «Моннан соң минем өченче сулышым ачылыр, ахры», – дип озата чыгучы кешеләр чыннан да бик сирәк шул.

Хәниф ага әле бүгенге көндә дә «Химград» индустриаль паркы»ның капиталь төзелеш бүлегенең проектлау буенча баш белгече вазифасын башкара. Аның гомуми эш стажы 56 елга тулса, шуларның ярты гасырдан артыгын «Тасма» җитештерү берләшмәсе территориясендә, ә соңрак «Химград» технополисында эшләгән.

– Сугыш елларындагы авыр балачак турында сөйләп, кабатланып тормыйм. Ул чаклардагы вакыйгалар күпләрнең башыннан узды инде, – дип сүзен башлады ул. – Гаиләдә дүрт бала үстек: абый, мин һәм ике сеңлем. Бервакыт: «Бер өйдә тору, тора-бара яшәү дә авыр булыр, үземә юл эзләргә кирәк», – дип уйлана башладым. Шуңа күрә 7нче сыйныфтан соң авылдан китеп, техникумга укырга керергә тырыштым.
Казанның елга техникумына укырга керү планы ахырга кадәр барып чыкмагач, ул Тәтеш районына кире кайтып, рус мәктәбенең 7нче сыйныфына укырга керә. 1952 елда, ягъни бер елдан соң кабат башкалага килеп, химия-технология техникумына имтиханнарны уңышлы тапшырып керә. Аны бик яхшы билгеләренә генә тәмамлап, алга таба укуын КХТИда дәвам итә. Югары уку йортын да кызыл дипломга тәмамлый һәм 1961 елның октябрендә ул чаклардагы Валериан Куйбышев исемендәге химия заводына (соңрак атамасы «Тасма» дип үзгәртелә) эшкә урнаша. Бу – химиянең тиз үсеш алган еллары. Яшь егеткә бик җаваплы эшләр тапшырыла. Хәниф Исхаков проектлары белән күп биналар һәм корылмалар сафка бастырыла. 2006 елда «Химград» технополисы төзелгәч, генераль директор Айрат Гыйззәтуллин тәҗрибәле белгечне үзенә дәшеп ала. Бераздан аңа иң җаваплы һәм авыр эш – җир астыннан уза торган кабельләрне яңарту буенча эшләрне алып барырга дип тәкъдим итә.

– Җитәкчем әлеге вазифаны йөкләгәч: «Айрат Мансурович (Гыйззәтуллин. – Авт.), миңа 70 яшь икәнлеген сез беләсездер инде», – дидем, – дип искә ала ул көннәрне Хәниф ага. – Ул, бертын, күзгә карап уйланды да: «Минем уйлавымча, сезнең икенче сулышыгыз ачылырга тиеш», – диде. Шунда: «Ул миннән торамы, әллә аны кем дә булса бирәме?» – дип сорыйсым килгән иде дә, тыелып калдым. Ул чакларда ял, отпуск турында онытып торып эшләргә туры килде. 2013 елда 75 яшьлегем белән котлаганда, Татарстанның сәнәгать һәм сәүдә министры Альберт Кәримов миңа: «Каян сездә шулкадәр зиһен, акыл», – дигәч, «Бер генә җавап табам: сезнең миңа карата булган мөнәсәбәтегез, игътибарыгыз нәтиҗәсендә икенче сулышым ачылды», – дидем.

Чыннан да, Хәниф аганы җитәкчеләр акыллы, тәҗрибәле, җаваплы белгеч буларак хөрмәт итсә, хезмәттәшләре «җир асты челтәрләренең рентгенты» дип бәяли.
Шунысын әйтергә кирәк, Исхаковлар гаиләләре белән химиклар. Хатыны Фәимә, аның әтисе, апасы, абыйсы, энесе, Хәниф аганың ике сеңлесе һәм үзләренең ике кызлары Флора белән Луиза да шушы һөнәрне сайлаган.

Реклама

– Эшләгән елларыгызның кайсы чакларын аеруча сагынып искә аласыз?
– «Химград»та ун ел эшләдем, шуның һәрберсе үзенчәлекле, истәлекле. Беренче өч елда бездә зур төзелешләр булды. Ул вакытларда миңа бик күп һәм җаваплы эшләр тапшырылды. Миңа калса, куелган бурычларны үти алдым бугай.

– Үзегез өчен аеруча якын булган объектлар бармы?
– Алар шактый. Әлеге вакытта без утырган 272 бина ике катлы гына булырга тиеш иде, ләкин идеямне биргәч, килешеп, тагын ике катын сафка бастырдылар. Гомумән алганда, эш проектын эшләгән зур биналарның саны шактый күп. Әни кешегә бөтен баласы да кадерле булган кебек, миңа да аларның һәрберсе якын.

– Мавыгуларыгыз бармы?
– Чаңгыда шуарга яратам. Аннан соң шахмат белән мавыгам.

– Еш кына, химия белән бәйле заводларда эшләгән кешеләрнең сәламәтлегенә зур зыян килә, дигән фикер ишетергә туры килә. Сезнең моңа карашыгыз ничек?
– Мин аңа гадирәк карыйм. Эссе җәй көнендә Казанда иң авыр урын – тимер юлы вокзалы янында татар кызы сурәте төшерелгән бина яны. Анда һава бик начар. Ә заводлар элеккеге кебек зыянлы түгел инде. Минемчә, бу – эшләмәс өчен сәбәп табу гына. Уйлап карасаң, кухняда поварларның эшләре дә зыянлы бит.

– Хәниф Фаткулович, сез бүген бәхетлеме?
– Бәхет күпкырлы бит. Ул миңа күктән төшмәде. Кәҗә күпме генә тырышса да, сыердан артыграк сөт бирә алмый. Әгәр үзеңне министр итеп хис итә башласаң, эшеңдә дә ялгышлыклар җибәрә башлар идең. Шуңа күрә мин үземнең мөмкинчелекләремне дөрес файдаландым дип уйлыйм. Аллага шөкер, тормышта үкенерлек зур хаталар җибәрелмәде. Танышларым арасында тагын да зуррак уңышларга ирешкәннәр дә, тормыштан, эштән бик үк уңмаганнар да бар. Бәхетле булыр өчен, табигый сәләтләрнең булуы да кирәк. Минем, Аллага шөкер, хәтер яхшы булды. Мәктәптә укыганда бик күп татар, рус шигырьләрен яттан сөйли идем. Миңа математика бик җиңел бирелде. Шуңа күрә укыган чакта авыр булмады. Абыем Нияз да, бик яхшы укып, кандидат булды. Безнең замана авыр булды, укырга мөмкинлек булмады дип, замананы тәнкыйтьләргә ашыкмас идем. 80 яшь тулганда үзеңне шулай итеп хис итү – бу бәхет бит. Эшкә озатучы һәм каршы алучы, 54 ел янымда булган иптәшем исән-сау. Бу бәхет түгелме? Безне хөрмәт итүче, тормышта үз-үзләрен тапкан ике кызым, өч оныгым бар. Бу да зур бәхет бит инде...

Нравится
Поделиться:
Реклама
Комментарии (1)
  • 13 февраль 2018 - 16:42
    Без имени
    Рэхмэт! Мэкалэ бик матур булып чыккан!
  • 26 май 2018 - 17:35
    Раковина, унитаздагы күгәрекне ничек бетерергә? Раковина, унитаздагы күгәрекне бетерү өчен аш серкәсе кулланыгыз.
    137
    0
    0
  • 26 май 2018 - 17:34
    Тузганак балы ясау ЫСУЛЫ Мин һәр елны шушы чорда тузганак балы ясыйм.
    233
    0
    2
  • 26 май 2018 - 15:38
    Көтәр кешең булса... «Дөнья – куласа, гел басмаса да, бер баса» диләр. Шулай, ахры... Гомер иткән ирең сине күрми-белми, синең белән исәпләшми башласа, башыңа авыру төшсә, хәлләр хөртиләнә икән шул...
    286
    0
    4
  • 26 май 2018 - 09:39
    Тимершәехнең изге догасыннан башланган юл Адәм балаларыныкы кебек, авылларның да язмышы төрле. Кайсылары дөньяга барлыгын белдергәннән бирле яши, үсә, киңәя, тарихта үзенең урынын билгели. Әмма шул ук вакытта таралып юкка чыкканнары, исеме онытылганнары да шактый. Бәхетле очрак булып, аларны һәвәскәр тарихчылар эзләп табар бәлки, картада урынын билгеләр, халык хәтеренә теркәр. Сабый дөньяга аваз салганда, «Бәхете белән тусын» диләр, бу авылларга да кагыла, күрәсең. Тимершәех атлы кеше, авылга нигез салганда, нинди догалар укыгандыр, әмма исеменең гасырлар буена халык телендә генә кабатланмыйча, дөнья тарихына языласын, күпләрнең язмышын шул җирлеккә бәйләячәген күз алдына да китермәгәндер. Тимершәехтән Тимуш-Тимәшкә әверелгән әлеге авылның бөтен дөньяга танылуына берничә сәбәп бар, әмма күбрәк ул кара алтын белән бәйле.
    131
    0
    0
  • 26 май 2018 - 09:31
    Китап бәйрәме Татарстан китап нәшриятының иң яхшы китаплары илнең төп мәдәни бәйрәмендә тәкъдим ителәчәк. 31 майдан алып 3 июньгә кадәр Мәскәүдә «Кызыл мәйдан» дип аталган китап фестивале узачак. Дүрт көн барган фестивальдә илнең иң яхшы театрлары һәм музыкаль коллективлары үзләренең программаларын куячак. 
    82
    0
    0
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    316
    0
    0
  • 25 май 2018 - 16:41
    Косметик чаралар сайлаганда нәрсәгә игътибар итәргә? Косметик чараларның составы белән кызыксынасызмы? Укып карап, берни дә аңламадык дияргә җыенасызмы? Алай икән, түбәндәге киңәшләребез сезнең өчен.
    131
    0
    0
  • 25 май 2018 - 16:13
    «Чемпионат бетәчәк, кунаклар китәчәк, ә болар барысы да шәһәргә калачак» Казан 2018 елгы футбол буенча дөнья чемпионаты алдыннан “МАЗ 203” маркалы түбән идәнле 94 автобус алды.
    302
    0
    0
  • 25 май 2018 - 14:20
    Булгур ярмасы ашагыз: картаюны акрынайта, бавыр эшчәнлеген көйли, организмны шлаклардан чистарта Соңгы елларда, борай кебек үк, булгур ярмасы да популярлашты. Әлеге файдалы ярмадан пылау да, аш та, ботка да пешерәләр, салат та ясыйлар.
    189
    0
    1
  • 25 май 2018 - 13:50
    Гүзәл Уразова: «Илдар мине танымады» Бу көннәрдә мәктәпләрдә соңгы кыңгыраулар чыңлады. Барлык чыгарылыш сыйныф укучыларын тәбрик итәбез һәм ак юллар телибез!
    5588
    1
    73
  • 25 май 2018 - 12:29
    «Туган тел кадерләп һәм җаваплы итеп сакларга бирелгән әманәт булып тора» Милли телләрне ирекле өйрәнү турындагы закон проектына каршы Мәскәүдә, 15 милли республика вәкилләре катнашында, зур түгәрәк өстәл узды. Аның нәтиҗәсе буларак, тиздән «Россия халыкларының демократик конгрессы» барлыкка киләчәк.
    177
    0
    0
  • 25 май 2018 - 11:13
    Яхшы куасны ничек сайларга? Җәй җитү белән, халыкның әлеге традицион эчемлеген сатучылар арта. Шунлыктан базарда тәкъдим ителгән куасны ничек дөрес сайларга дигән сорау аеруча актуаль яңгырый. ТР Дәүләт алкоголь инспекциясе белгечләре күбекле эчемлек сайлаганда ялгышмаска өйрәтә.
    218
    0
    1
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 26 май 2018 - 10:52
    Бүген Россиядә эшмәкәрлек көне
    Россия эшмәкәрлек көне ел саен 26 майда билгеләп үтелә. Бу көн Россия Федерациясе Президентының “Россия эшмәкәрлек көне турындагы” Указы белән гамәлгә куелган.
    64
    0
    0
Ночной режим