Шәһри Казан

«Ир-ат маймылдан чибәррәк булырга тиеш, янәшәсендәгедән...»

Социаль челтәрләрдә кызык тапмасагыз, танышулар сайтына керегез, нинди генә кызыклар юк анда. Күбесе чит исемнәр астында, чит фотолар куеп утыра утыруын, үзем дә анда әллә ничаклы кино йолдызларын очраттым, берәүләр кемнәндер кача, икенчеләре шикләнә, ахры. Шулай бер белмәгән кеше белән гәп коргалаган бар.

Монда керү өчен әүвәл анкета кирәк әле, ул ничаклы тулырак һәм кызыклырак – танышу ихтималы шулхәтле күбрәк. Минем анкета менә мондыйрак килеп чыкты – «Кемне табарга телим: картайган көнеңдә кара-каршы утырып чәй эчкәндә сөйләшеп сүзең бетмәс кешене; Үзем турында: тапканын бер кабып бетереп бара торган кеше түгел, кешенеке кирәкми, үземнекен бирмим; Профессиональ эшчәнлек: трудовойга язылган бугай ул турыда, күптән ачып караган юк, пенсиягә иртәрәк әле. Пенсиям күпмерәк чыгар икән минем? Белешмәләр җыеп йөрисе көннәр дә якынлаша икән бит, шуңарчы берәр адәм рәтле бәндәсен насыйп итсә инде. Икәүләшеп йөрергә кызыграк булыр, дим, култыклашып, стаканнардагы тешләрне киеп; Тән төзелеше: кыяфәт кенә берни дә сөйләми...

Балавыздан ясаган сыннар музеена илтеп куярлык түгел түгелен, ну болай ничава әле үзем; Чәч төсе: бер-ике бөртек агарган чәчләремне йолыккалап торам, яшь күренәсе килә, каһәр; Уку йорты: тормыш дигән олы мәктәп, коридорлары белән; Аралашкан телләр: татар белән рустан кала, башка телләрдә аралашканда куллар бик нык арый, болай үзе белүен беләм дә; Тормышчан максатыгыз: адәмчә яшәргә; Буш вакытыгызны ничек үткәрәсез: кәефкә карап... Пазлы сатып алдым, бишкә хәтле дигән, биш ел узмады әле. Лифтта төймәләргә текәлеп карап барырга яратам – уйларны бергә тупларга ярдәм итә, катаракта авыруы килеп чыгу ихтималын да бетерә икән. Иртән тырпайган чәчләрне юешләтеп үз урынына яткырам. Тезе чыккан трико, арты тапталган йорт башмагы киеп телевизор алдында изрәп утырам, бөкләнгән газет белән чебен үтереп. Вареньедан бушаган банканы кайнар су белән чайкатам – компот та була, банка да юыла. Танышу сайтына кереп анкеталар актарам – принц көтәргә соңга калган, теләсә кем белән булырга иртә дип санаган кызлар карыйм. Күбесен тиздән урамда таный башлармын инде, ахры. Үткәндә-барганда сәлам биреп китегез, көнбагыш булса да чиртербез; Спорт белән шөгыльләнү: әллә нинди спорт төрләре белән шөгыльләнәсе килә инде менә үзе. Волейбол-футбол ише белән булмый – туп тиеп тәмәке сына. Шахмат фигуралары белән чиертмеш уйнап булмый. Тимераякта шуарга яратам, тик бозы бик шома, берничә тапкыр егылып, арт ягымны бәрдем инде. Фитнеска бармыйм – анда сылу кызлар кыерсытыр дип куркам. Йога бик шәп нәрсә ди, мин йоктырып өлгермәдем әле.

Реклама

Шулай да тезне бөкләп утыра алам (бәлеш ашаганда, мендәргә авышыбрак). Куна тактасына тезеп куелган өчпочмакларны ашап бетерү ярышы булса – мин беренче булыр идем дә, андый спорт төре юк; Яраткан музыкаль юнәлеш: күңел нәрсәне сорый инде, көненә карап. Грампластинкаларны очырып бетердем, и шәп тә очалар, мин сиңа әйтим, зыр-зыр килеп. «Дубыр-дубая»ны тынлыйм, ну шәп җыр!»

Базарда җимеш сатучыларны күзәткәнегез бармы? Алар аның һәрберсен ышкый, ялтырата – товар төсе кертә. Чөнки сатучы күп, вакыт бара, җимеш бозылып беткәнче сатарга кирәк. Менә шундый ышкылып-ялтырап беткән, берничә тапкыр «сортировка» аша узганнарның моның ише анкеталарга исе китмәс китүен, аларның статусында бит: «Мин шундый гына, башка төрле булмам!» дигән баналь сүзләр язылган. И, җан кисәк, тормыш биш кат бөгеп, дүрт кат турайтса, әллә ниткән формаларга кереп бетәсең әле. Бөгелү-сыгылулар күбәеп китеп сынучылар да бар. «Миңа галочка өчен генә кияүгә чыгу кирәкми», диләр икенчеләре. Ромашка таҗларын йолкып утыру чоры узган шул, ә «галочка» барыбер куелачак, графалар җитәрлек. Шөкер, хатын-кызлар арасында оптимистлар да юк түгел, «Ир-ат маймылдан чибәррәк булса – шул җиткән», диләр алар. Мин дә моның белән килешәм, ир-ат маймылдан чибәррәк булырга тиеш, янәшәсендәгедән... Ә минем анкетаны куеп карагыз, ярдәме тими калмас.

Фото: litsa.com.ua

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    2
    0
    0
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    741
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    576
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    430
    0
    0
Ночной режим