Шәһри Казан

Илнар Сәйфиев: «Мин – декретта, ә Ленар өчен җавап бирә алмыйм»

Соңгы арада Илнар Сәйфиев сәхнәдә бик күренми, тамашачы хәтта борчыла башлады. Җырчының хәлен белеп шалтыратырга булдык.

- Хәерле көн! Ни хәлләрегез бар?
- Исәнмесез! Бар да яхшы, Аллага шөкер! Балалар күп булгач, алар белән мәш киләм. Ләйсәннең берүзенә генә авыр, ярдәм итешергә кирәк. Үземне декрет ялында дип әйтсәм дә була. Бер баланы үстерүе әллә ни авыр түгел, ә менә берьюлы өчне?!

Тамашачы хәтерлидер, ярты ел элек игезәк балаларыбыз туды. 4 яшьлек Ләйләбезнең хәзер Аяз энесе һәм Айзилә сеңлесе бар. Шулар белән уйнап, шаярып, күбрәк вакытны уздырасы килә. Әле кичә “ватрушка” дигән чана алып, рәхәтләнеп шудык. Балакайлар бигрәк тиз үсә бит, шуны күреп калырга иде. Әзрәк үссеннәр дә, аннар гастрольләргә чыгып китәрмен дип торам.

- Тормыш иптәшегезгә ярдәмгә бала караучы яллассагыз уңайлырак булмасмы?
- Юк, балаларымны күрәсем генә килеп тора. Әлегә алардан аерылу бик авыр. Аннары чит кешегә дә ияләштерәсе килми.

- Олы кызыгыз Кыш бабайны көтәдер инде?
- Ничек кенә көтә әле?! Теләкләренә көн дә нәрсә дә булса өстәлеп тора. Телевизорда, интернетта уенчык рекламалары күп бит. “Әтикә, шул кирәк!” – дип кенә тора. Ул курчакларының нинди генә төре юк?! Артык очындырмыйм дисәң дә, бала теләген үтисе килә.

Реклама

- Ленар Сәйфиев та хәзер күренми...
- Аның өчен җавап бирә алмыйм, үзеннән сорагыз. Нишләп ятадыр?! Аның бит хатыны да, балалары да юк: гастрольләрдә йөреп кайтса була. Хәзер без бик сирәк күрешәбез, минем үз мәшәкатьләрем.

Илнар бик кабаланып сөйләште, ике баласы да кулында иде. Ахырда берсе телефонын тартып алды да, шуның белән сөйләшүебез өзелде. Күп балалы әтигә уңышлар телибез!

 

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 14 января 2018 в 13:37
    АДӘМНӘР (Төнгә каршы һәм йөрәге нык булмаганнарга уку ТЫЕЛА!) 1921-22 елларда Идел-Урал буйларында булып үткән фаҗига турында
    588
    0
    2
  • 14 января 2018 в 09:25
    2018 елда Татарстанда булачак мөһим спорт ярышлары ИСЕМЛЕГЕ Россиянең спорт башкаласын быел ни көтә? 2018 ел Казан, Татарстан өчен спорт өлкәсендә иң бай ел булачак. Бу ел дәвамында булачак чараларның күләме, масштаблылыгы белән генә бәйле түгел. Гомумән, республика җитәкчеләренең спортка керткән тырышлыгы, үзебезнең спортчыларыбызны әзерләү тәҗрибәсенең дә өлеше зур.
    175
    1
    1
  • 14 января 2018 в 11:45
    Ярмаларны ничек сакларга? Запас әзерләү безнең канга сеңгән. Ярма, он, шикәр комын капчык-капчык алып куючылар бар. Озак сакланган әйбер сыйфатын югалтмыймы? Бу хакта Татар төбәкара ветеринария лабораториясе агрономы Рамилә ТАҖЕТДИНОВА белән сөйләштек.
    167
    0
    0