Шәһри Казан

Эдуард Вафин: «Без бөтен кеше өчен ачык»

Татарстан пенсия бүлегенең эш нәтиҗәләре һәм планнары турында

Пенсия һәм пособиеләр
 

– Эдуард Яфасович, гадәттә, эшләмәүче пенсионерларның иминият пенсиясе февраль аеннан гына арта иде. Бу юлы күңелле «күчтәнәч» гыйнварда ук килде. Ел дәвамында пенсияләр тагын артачакмы?

– Былтыр 800 мең эшләмәүче пенсионерның иминият пенсиясе 5,8 процентка индексацияләнде. Нәтиҗәдә, еллык уртача иминият пенсиясенең суммасы 13,2 мең булды. Быел исә бу сумма 13 694 сумга җитәчәк. Илдәге икътисади хәл белән бәйле рәвештә, былтыр пенсияне индексацияләү искәрмә рәвештә бер тапкыр бирелә торган 5 мең сум өстәмә акча белән алыштырылды. Бу максатларда 1 130 мең татарстанлыга барлыгы 5,6 миллиард сум акча тотылды. 1 апрельдән социаль пенсияләр 4,1 процентка артачак. Эшләүче пенсионерларның акчалары исә август аенда яңадан исәпләнәчәк. Быел бер пенсия баллы 81,49 сумны тәшкил итә. Былтыр бу сумма 78,58 сум иде.

– 2018 елдан гамәлгә керәчәк яңа закон – эштән киткән очракта пенсионерларның акчаларын индексацияләү турында да аңлатыгыз әле? 


– «Иминият пенсияләре турында»гы законга төзәтмәләр кертелгәннән соң, быелның 1 гыйнварыннан эштән киткән очракта, пенсионерларның акчалары, индексацияләнеп, сизелерлек артачак. Моңа кадәр гамәлдә булган закон нигезендә, пенсионер эштән киткәч, документларын теркәлү урыны буенча пенсия бүлегенә тапшырганнан соң, индексацияләнгән сумманы бары өч ай узгач кына алырга хокуклы иде. Әйтик, кеше май аеннан эштән китте ди, арттырылган пенсияне бары (июнь, июль, август) сентябрь аеннан гына ала башлаячак. Бу өч ай өчен индексация ясалмый. 2018 елдан исә, яңа закон нигезендә, пенсионер, эштән китүгә, киләсе айдан ук индексацияләнгән пенсия алачак. Әйтик, май аенда эштән азат ителгән очракта, июнь аенда ук пенсиясен арттырып бирәчәкләр.Суммага килгәндә, бу индексация процентларына һәм һәр кешенең пенсиясе күләменә бәйле.

Ана капиталы, балалар

– Ятим балаларга дәүләттән социаль пенсия каралган, ә әти-әнисе билгесез сабыйлар бу ярдәмнән мәхрүм иде...

– 2018 елдан Россиядә яңа төр пенсия барлыкка киләчәк. Ул нәкъ менә юридик яктан әти-әниләре билгеле булмаган балалар өчен каралган. Бала тудыру йортында, урам чатларында ташлап калдырылган балаларның күбесенең әти-әнисе кем икәнлеге билгесез. Әти-әнисе вафат булганнарга тәрбиячесен югалту буенча пенсия билгеләнә, ата-ана хокукыннан мәхрүм ителгәннәрнең балаларына да пособие түләнә, ә менә бу ятимнәр читтә кала иде. Россия Президенты Владимир Путин карары белән, андый төр категория балаларга да 18 яшьләре тулганчы социаль пенсия түләнәчәк.

– Быелдан ана капиталы программасын балага өч яшь тулганчы мәктәпкәчә учреждениеләр өчен түләргә рөхсәт ителә. Программада тагын нинди яңалыклар бар?

– Россия Президенты Владимир Путин карары белән, ана капиталы 2021 елның 31 декабренә кадәр озайтылачак. Тагын бер яңалык – 2018 елның 1 гыйнварыннан соң туган гаиләдәге икенче бала өчен (яки уллыкка алынган гаиләдәге икенче балаларга) ана капиталы хисабыннан ай саен түләүләр каралган. Дөрес, моңа Татарстанда уртача кереме бер кеше башына 13 713 сумнан артмаган гаиләләр генә дәгъва кыла ала. Гаиләдәге һәр кешенең соңгы 12 айдагы керемнәрен исәпкә алачаклар. Балага 1,5 яшь тулганчы ай саен 8490 сум пособие түләү каралган. Түләүләр ай саен ананың кредит учреждениесендәге исәп счетына күчерелеп барачак. Һәр кеше аны үз кирәгенә файдалана ала. Пособиеләр елга бер генә тапкыр билгеләнә. Ел узгач, кабат керемнәр турында документлар җыеп тапшырасы булачак. Айлык түләүләрдән баш тартып, ана капиталын рөхсәт ителгән башка максатларда да файдаланырга мөмкин. Гадәттәгечә, ана капиталын торак шартларын яхшыртуга, балага белем алган өчен түләргә, ананың булачак пенсиясенә күчерергә, инвалид сабыйга җайлашу, яраклашу өчен кирәкле товарлар сатып алу өчен дә кулланырга рөхсәт ителә. 2018 елда ана капиталының суммасы үзгәрешсез кала – 453 026 сум.

Реклама

Проектлар, электрон сервислар 

– 2016 ел нәтиҗәләре буенча Татарстан пенсия бүлеге лидер буларак танылды. Пенсия өлкәсендәге иң зур уңышларыгыз нинди булды, Эдуард Яфасович?

– Без бу бәйгедә нәкъ менә персонал белән эшләү өлкәсендәге уңышларыбыз, сыйфатлы хезмәт күрсәтү буенча беренчелекне алдык. Оператив, сыйфатлы ярдәм күрсәтү өчен бар мөмкинлекләр дә тудырылган. Бүлектә махсус контакт үзәге эшли. Халыктан көн саен 500гә якын шалтырату кабул ителә. Халыкның сорауларына телеграмм мессенджеры, социаль челтәрләр аша җавап бирү дә каралган. Кулланучыга җайлырак булсын өчен, сайтыбызда шәхси кабинет булдыру мөмкинлеге бар. Анда булачак пенсияңне исәпләргә, белгечкә язылырга, пенсия өлкәсенә кагылышлы күп кенә сорауларга җавап табарга була.

– Узган ел ахырында коллегиягездә Татарстан премьер-министры Алексей Песошинны дүртенче буын виртуаль клиент хезмәте терминаллары белән таныштырган идегез. Ул җайланмаларның мөһимлеге нидә?

– Әйе, пенсия бүлегенең эшчәнлеген камилләштерү өлкәсендә, Татарстан Президенты Рөстәм Миңнеханов ярдәме белән, пилот-проектлары тормышка ашырыла. Шул исәптән заманча терминаллар онлайн-режимда видео буенча пенсия бүлеге белгече белән аралашу, хәтта кирәкле документның күчерелмәсен алу мөмкинлеген бирә. Һәр җирдә дә пенсия бүлекчәсе ачу отышлы түгел. Ләкин пенсия белгечләренә ихтыяҗ булган җирлекләр бар. Бу мәсьәләдә виртуаль клиент хезмәте терминаллары ярдәмгә килә. Әйтик, тиздән ул «Салават күпере» торак комплексында барлыкка килер дип ниятлибез. Соңгы елда пенсия өлкәсенә караган мөрәҗәгатьләрнең 80 проценты электрон хезмәтләр аша башкарылган.

– Пенсионерлар электрон хезмәтләрдән файдалана беләме соң?

– «Россиянең пенсионерлар берлеге» бөтенроссия җәмәгать оешмасының Татарстан бүлекчәсе оештырган «Өченче буын университеты» эшләп килә. Әлеге проектны гамәлгә ашыруда Рөстәм Миңнеханов та теләктәшлек күрсәтә. Ел саен меңләгән пенсионер компьютерны үзләштерә, интернеттан файдаланырга өйрәнә. Белемнәрен бәйгеләрдә сыный. Россия күләмендә өлкәннәр арасында уздырыла торган компьютер грамоталылыгы бәйгесендә иң актив катнашучылар да Татарстан пенсионерлары.
Бу ел гади булмады. Ләкин Татарстан пенсия бүлеге куйган максатларына ирешә алды, без бөтен буыннар өчен дә ачык, һәркемнең бүгенгесе һәм киләчәге турында кайгыртабыз. Бу елда да, ил җитәкчелеге куйган бурычларны күздә тотып, сыйфатлы, оператив хезмәт күрсәтергә, тагын да камилләшергә омтылачакбыз.

Лаеклы пенсия алу өчен нишләргә? 

Татарстан пенсия бүлеге идарәчесе, икътисад фәннәре кандидаты Эдуард Вафиннан биш киңәш:

1. Пенсия бары «чиста» хезмәт хакыннан гына туплана. Конверттагы акчаларның картаймыш көндә файдасы юк. Бары хезмәт хакыннан булачак пенсиягә кертемнәр күчерелеп барган эш урыны гына ышанычлы булып санала.
2. Пенсия суммасына стаж да йогынты ясый. Стаж күбрәк булган саен, пенсия дә күбрәк булачак.
3. Кеше булачак пенсиясен тулыландыра ала. Хәзер ирекле пенсия программалары җитәрлек. Үзегез керткән акчаларны пенсиягә чыккач арттырып, дәүләтнеке булмаган пенсия фондларыннан алырга мөмкин.
4. Пенсиягә күпме кертем күчерелгәнне, булачак пенсия ничек тупланганны бүгеннән үк күзәтеп барырга мөмкин. Моның өчен www.pfrf.ru Пенсия фонды сайтында шәхси кабинетыңны булдырырга яки телефонда махсус кушымта урнаштырырга кирәк. Алар ярдәмендә һәркем пенсия өлкәсендә үзен кызыксындырган сорауларга җавап таба ала.
5. Пенсиягә соңрак чыккан саен, отачаксың. Россиядә хатын-кызлар – 55, ир-атлар 60 яшьтән пенсиягә чыга. Әгәр пенсия билгеләүне сорап биш елга соңрак мөрәҗәгать итсәң, пенсия якынча 40 процентка артачак. Һәркем булачак пенсиясен үзе формалаштыра.

2007 елдан 2017 елга кадәр республикада барлыгы 244 мең ана капиталы бирелгән. Гаиләләрнең 176 меңе ана капиталын – торак шартларын яхшырту өчен, 12 меңе белем алуга тоткан, 52 кеше акчаны ананың булачак пенсиясенең тупланма өлешенә күчергән.

Нравится
Поделиться:
Реклама
Комментарии (0)
  • 23 января 2018 в 16:15
    Альпинистлар ярышларга «мәче» белән йөри?! Шимбә иртәсе. Урамда чатнама суык. Гадәттә, мондый вакытта кешеләрнең күбесе өйләреннән генә түгел, җылы юрган астыннан да чыкмый. Ә кайберәүләр салкын дип тормый, бозлы кыя өстенә менә, шулай ял итә. Сүзем альпинистлар турында.
    52
    0
    0
  • 23 января 2018 в 15:19
    Авылда мәдәният тармагында эшләүче яшь белгечләргә өстәмә акча түләнәчәк Авылда мәдәният тармагында эшләүче яшь белгечләргә өстәмә акчалар түләнәчәк. Бу хакта кичә Татарстанның Мәдәният министрлыгының киңәйтелгән коллегия утырышында билгеле булды.
    265
    0
    1
  • 23 января 2018 в 15:03
    Грипптан дарчин саклый Өендә дарчин (корица) торган кеше грипп белән авырмый икән, ни өчен дигәндә, әлеге тәмләткеч вирусларга каршы көрәшергә сәләтле.
    84
    0
    1
  • 23 января 2018 в 14:46
    «Язмышыма үпкәм юк: 15 яшемдә кыйнап сукыр калдырган үги әтиемне дә кичердем» «Аллаһы Тәгалә, бәндәмә күтәрә алмаслык кайгыны бирмәм, дигән. Адәм баласы барысын да күтәрә. Мине дә сынады Ул, ә мин бирешмәдем. Язмышыма да үпкәләмим, 15 яшемдә кыйнап күзсез калдырган үги әтиемне дә кичердем. Намаз саен аның рухына дога кылам...»
    240
    0
    4
  • 23 января 2018 в 14:30
    «Шәһри Казан» журналисты – җиңүче! Бүген Ветеринария һәм фитосанитария күзәтчелеге федераль хезмәтенең Татарстан буенча идарәсендә “Электрон ветеринария сертификаты. Продуктлар куркынычсызлыгы һәм сыйфатының яңа дәрәҗәсе” бәйгесенә йомгак ясады.
    95
    0
    1
  • 23 января 2018 в 14:06
    Фирзәр Мортазин һәм Салаватны нигә «ир белән хатын кебек» диләр? Бу көннәрдә Фирзәр Мортазин зурлап, “Пирамида” концертлар залында 60 яшен билгеләп үтте. Тамашаның масштабын һәм анда кемнәр катнашканын, ул көнне интернеттагы фотоларга күз салсаң, барын да чамалап була иде.
    221
    0
    3
  • 23 января 2018 в 11:52
    Илдус Нафиков: «Кирәк булса, җинаять эше дә ачарбыз!» Өлешләп түләүчеләр, банк белән бәйле кризис, ришвәтчелек, татар теле мәсьәләсе... Татарстан прокуратурасының еллык коллегиясендә күпләрне борчыган әлеге темалар күтәрелгән. Республика прокуроры Илдус Нафиковның җитди чыгышыннан күпләр киеренкелектә калган.
    121
    0
    0
  • 23 января 2018 в 11:25
    Казанда ике автобус катнашындагы һәлакәттә 7 кеше зыян күргән Бүген 7.20дә Ямашев проспектындагы 115нче йорт каршында 60нчы һәм 10нчы автобуслар бәрелешкән.
    116
    0
    0
  • 23 января 2018 в 11:15
    Атна башы буранлы, атна ахыры салкын булачак Республикада буран алдагы тәүлекләрдә дә дәвам итәргә мөмкин. Татарстан актив циклон йогынтысы астында калган.
    104
    0
    1
  • 22 января 2018 в 16:22
    Рәссам, карикатурачы Илдус Әҗемов: «Үзеннән-үзе көлә белмәгән кеше – ярты кеше ул» Табиблар, 17 минут көлү гомер озынлыгын бер елга арттыра, ди. Танылган рәссам, карикатурачы, шаржлар остасы Илдус Әҗемов та шул фикердә. Югыйсә, гомерен тулысы белән юмор, сатирага багышлап, татарларның бердәнбер сатира журналы булган «Чаян»ны чыгаруда 35 елга якын катнашыр идеме соң ул.
    79
    0
    0
  • 22 января 2018 в 15:48
    Әзәрбайҗан кухнясы: кадерле кунаклар килгәч кенә әзерләнә торган садж әзерләүне АДЫМЛАП ӨЙРӘТҮ Әзәрбайҗан кухнясы башкалардан яшелчәләр белән пеше­релгән итле ризыкларга бай булуы белән аерылып тора. Аларның күбесе махсус савытларда әзерләнә. Ипи урынына кулланыла торган чурекны - тандырда, питины - балчык чүлмәктә, пылауны - казанда, ә менә саджны шул ук исемдәге табада пешерәләр. Утта яралган ризык «Хан Булак» рестораны шеф-­повары Руслан Гурбанов белән...
    173
    0
    0
  • 22 января 2018 в 15:41
    «ҮЛГӘНЕҢНЕ КҮРСӘМ ИДЕ...» – Балам, син яшь кеше әле. Яшьлек кызулыгы белән кайчак әллә ниләр әйткән чаклар була, берүк, уйлап сөйләш. Бигрәк тә балаларыңа ямьсез сүзләр әйтә күрмә, алар каргыш булып әйләнеп кайтачак. Ана рәнҗешеннән, ана каргышыннан да куркыныч нәрсә юк, - диде Пенсия фондында чиратта торганда сүз алышып киткән Эльмира апа.
    471
    0
    3
Реклама
  • 16 января 2018 в 18:39
    Илфак Шиһапов истәлегенә
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
Соңгы комментарийлар
  • noname
    22 января 2018 в 17:16
    Бүген бер танышым "Шәһри Казан" сайтында сиңа комментарий язганнар, ә син җавап та бирмисең, дип шелтәләгәч, кереп караган идем дә, менә, гаебемне төзәтәм. Рәхмәт игътибарыгыз, сүзләрегез өчен! :) Кайчандыр Альберт абый безне чак кына укытып алган иде, махсус курс буенча керде. Шул дәресләрдән тыш аның белән аралашырга туры килмәде, шуңа да сез язган фикер минем өчен гайре көтелмәгән бер яңалык булды. "Әдәбиятчы" да дигән сүзләрегездән соң... үзегезне дә таныйсы килү теләге уянып калды) Мөмкин булса, языгызчы. Монда булмаса, ВКда яисә Фейсбукта - личкага. Шат булыр идем)
  • noname
    22 января 2018 в 14:47
    Исэнмесез Фирзэр Абый. Мин сезне бик хормэт итэм, жырларыгызны бик яратам. Авылны яратып сойлэвегез , сезгэ хормэтемне тагы да арттырды. Сезне юбилиегыз белэн котлыйм. Ижатыгызда унышлар, сэламэтлек телим.
  • noname
    22 января 2018 в 09:11
    Себехэналла мэшэалла куз тимэсен.молодец.Килэчэктэдэ зур унышлар насыйп итсен Раббым бер Аллам.Мин бик шат безнен татар кызыбызнын зур унышларына.Саулык бэхет тыныч хэерле бэракэтле гомер насыйп итсен Раббым бер Аллам сина Алинэ.
  • noname
    19 января 2018 в 23:18
    Өч һәм аннан да күбрәк баласы булганнарга 6 яшь тулганчы дарулар алу өчен 125 сум, коммуналь хезмәтләр, фатир өчен түләүләрдә 30 процент ташлама, мәктәп укучыларына, студентларга юлда йөрү өчен 282 сум дәүләт ярдәме каралган. Балалар бакчасына 50 процент ташлама белән түли аласыз. Түләгән сумманың бер өлеше компенсацияләнә. Гаиләдәге уртача айлык керем бер кеше башына 20 мең сумнан азрак булганда,өстәмә компенсация каралган. Биш һәм аннан да күбрәк баласы булганнар "Ана даны" медаленә ия була ала. Бу очракта һәр бала исәбеннән 5000 сум акча бирелә. Татарстан Президенты карары белән тиздән гамәлгә керәчәк авылдагы балалы гаиләләр өчен пособие турында әлегә төгәл генә мәгълүмат юк. Җитәкчеләр 1 февральгә кадәр барысы да ачыкланыр, дип вәгъдә итәләр.Әлеге пособиегә кагылышлы яңалыкларны "ШК" газетасыннан һәм сайтыннан күзәтеп бара аласыз, шулай ук теркәлү урыны буенча социаль яклау бүлегенә мөрәҗәгать итсәгез дә була. Хөрмәт белән,"ШК" газетасының бүлек мөхәррире Эльвира Мозаффар.
  • noname
    20 января 2018 в 11:13
Интервью