Шәһри Казан

«Без Тукайга килдек. Барлыгыбызны исбатларга...»

Уйласаң, кот очарлык, без инде 105 ел Тукайсыз яшибез икән бит. 1913 елның 15 апреленнән, шагыйрьнең йөрәге тибүдән туктаганнан бирле бер гасыр вакыт узып киткән. Тукайны югалткан көнне быел да аның татар зиратындагы каберенә искә алырга, чәчәкләр салырга җыелган милләттәшләребез догада кулларын күтәргәндә Аллаһка рәхмәт укыганнардыр.

Ярый әле, Тукай туган! Әгәр дә ул тумый калган, яки балачакта ук вафат булган булса, безнең милләтнең рухи байлыгы бик күпкә ярлырак булыр иде. Инде болай да “какканны вә сукканны” аз күрмәгән милләтемне Аллаһы тәгалә ярый әле,  һәрбер күзәнәгендә  миллилек яшәгән, татар булудан курыкмаган Тукайны биреп бүләкләгән. Кулына каләм алган һәркем бүген дә Тукай йолдызлыгын кыйбла итеп иҗат итә. Сәнгатькәрләр дә шул йолдызлык тирәсендә әйләнә. Һәм алар һәммәсе дә үзләрен илһамландырган өчен Тукайга рәхмәтле. Әлеге искә алу чарасы шушы рәхмәтне җиткерү өчен менә дигән форсат булгандыр.  Татарстан Мәдәният министрлыгы һәм Татарстан Язучылар берлеге белән бергәләп, һәр ел саен оештырыла ул. Быел көн дә матур, кояшлы, әллә шуңа халык та күп иде. Тукай кабере янындагы һәрбер чыгыш нәкъ Тукайча, аның васыятенә тугры калып, милләтнең киләчәген кайгыртып яңгырады.  

– Тукай безнең яшәешебезгә әверелеп бара, – диде Татарстан Язучылар берлеге рәисе Данил Салихов, мәрәсимне ачып. Татарстан мәдәният министры урынбасары Эльвира Камалова да нәкъ шул фикерне ассызыклап, “Әдәбиятта Тукай рухы бүген дә яши. Ул кабызган учак бүген дә яна, һаман да милләт җанын җылыта. Без кыйблабызны Тукай кыйбласы белән барлыйбыз,Тукай иманы белән дөреслибез“, – диде.

Реклама

Татарстанның халык шагыйре Разил Вәлиев та Тукайның елдан-ел бездән ерагаймавын, ә, киресенчә, якыная баруын искәртте. Бу бигрәк тә чит илләргә чыккач ачык сизелә дип, Төркияне мисал итеп китерде.

Халык шагыйре Ренат Харис Тукайны һәр сорауга җавап бирә ала торган энциклопедия белән тәңгәлләштерде. “Тормыш куйган сорауларга җавап биргәндә, без Тукай акылына, Тукай хисләренә таянабыз,“ – диде ул һәм Тукай турында соңгы елда иң әйбәт әсәр дип Зиннур Мансуровның “Тукай белән рухи әңгәмәләр”ен атады. Зиннур Мансуров үзе исә, “Туган телебез кыенлыклар кичергән әлеге көннәрдә без Тукай каршында һәммәбез дә бурычлы итеп тоярга тиеш үзебезне”, – диде җыелган халыкның милли аңын уятып.

Татарстанның һәм Россиянең халык артисты Әзһар Шакиров: “Без барлыгыбызны исбатларга теләп килдек бирегә. Иң зур мәсьәлә – милләтеңне саклап калу”, – диде үз чыгышында.
 Әлеге ялкынлы чыгышларны тыңлаганнан соң, һәркем: “Тукай үзе ни әйтер иде икән бүгенге көннәргә карата?” дип уйлап басып торгандыр. Бу сорауга җавап Татарстанның халык һәм Росиянең атказанган артисты Илдус Әхмәтҗанов авызыннан ишетелде. Ул Туфан Миңнуллинның “Без китәбез, сез каласыз” дигән спектаклендә үзе сәхнәдән башкарган Тукай монологын “халык күңелләрен кузгатырлык, аның иң нечкә кылларын тибрәтерлек” итеп тәэсирле яңгыратты. Ә инде ул тәэсирләнгән күңелләргә шулай ук Тукай бүләге иясе Харис хәзрәт Салихҗан тарафыннан укылган Коръән аятьләре ике дөньяны, әрвахлар белән исәннәрне, мизгел белән мәңгелекне тоташтыручы күпер ролен уйнады төсле.

Фото: Татар-информ
 

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1157
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    546
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    405
    0
    0
Ночной режим