Шәһри Казан

Авыл халкына нинди ярдәм күрсәтеләчәк?

Авылда терлек алучыларга терлегеңә тоткан чыгымнары өчен субсидия бирелә. Ә аны башка төбәктән кайтарткан очракта, аның башына 30 мең сум акча тәтеячәк.

Министрлар Кабинетында узган брифингта авылда яшәүчеләргә күрсәтелә торган ярдәм чаралары турында сөйләделәр.

Терлек асраучыларга  

Иң нәтиҗәле эшли торган программалар турында сөйләгәндә, республиканың авыл хуҗалыгы һәм азык-төлек министры Марат Әхмәтов авылда терлек асрау – шөгыль ягыннан да, керем ягыннан да иң уңышлысы дип санавын әйтте.  
 
– Авылда эш юк, дигән сүзгә мин күңелем белән риза түгел. Авылда терлек асрап, яшәп була әле. Дөрес, бәлки ул бик гади, соры хезмәттер, тирән канәгатьләнү дә бирмидер, әмма яшәү өчен чыганак кирәк икән, керем булдыру өчен шөгыль ягыннан караганда, иң җайлы ысул – мал тоту. Авылда төзелеш материаллары җитештерү белән шөгыльләнергә дә, төрле хезмәт күрсәтү өлкәсендә дә, сәнәгать материаллары җитештерү белән дә акча эшләргә мөмкин, – диде министр.

Марат Әхмәтов авыл кешесенә күрсәтелә торган ярдәмнәрне дә искә төшереп узды.
– Без фермерлык хәрәкәтен башлап җибәрү, гаилә фермерлары, микрофермалар программасы бар дип әйттек. Инде терлек алам дисең икән, ул терлегеңә тоткан чыгымнарга субсидия бирелә. Әгәр, мәсәлән, терлекне башка төбәктән кайтарткан очракта, аның башына 30 мең сум акча бирәбез. Шулай ук бу терлеккә хезмәт күрсәтүгә тотыла торган чыгымнарга (каплату, ветеринария хезмәтләре өчен) да субсидия каралган. Шушы максатта аз гына киңәергә теләгән хуҗалык бар икән, шушы ярдәмне күрсәтәбез. Аңа башлангыч капитал белән булышырга әзербез, – диде.
   
Шулай да министр киләчәктә авылда хезмәт көченең кимүе турында да әйтте, чөнки аның әйтүенчә, эре предприятиеләр елдан-ел куәтлерәк техника алырга тырышалар.

Реклама

– Элек өч кеше эшләгән эшне хәзер бер кеше эшли дә, аңа хезмәт хакы күбрәк түләнә. Безнең бит иң зур проблемаларыбызның берсе – хезмәт хакының аз булуы. Эшкәртү предприятиеләрен дә кертеп, авылда уртача хезмәт хакы – 21 300 сум гына. Ә ул (эшкәртү предприятиеләре) авыл хуҗалыгының 61 процентын гына тәшкил итә. Безнең халык күбрәк терлекчелек белән шөгыльләнә. Шәхси хуҗалыкларга бакчачылык, җиләк-җимеш, яшелчә белән шөгыльләнү өчен дә программалар игълан итеп карадык, ләкин соңыннан продукцияне урнаштыру белән проблемалар туды. Дөрес, республикада киң мәйданнарда алма бакчалары, җиләк-җимеш мәйданнары тотучы, шуларны кооперативларга берләштерүче хуҗалыклар да бар, әмма нигездә халык терлекчелек белән шөгыльләнә, – диде.

Хуҗалыклардан сатып алына торган сөткә бәя төшү – бүгенге көннең иң актуаль һәм көнүзәк мәсьәләләренең берсе булып кала бирә. Бу мәсьәләгә карата да Марат Әхмәтов үз фикерен белдерде.  
– Россиянең Авыл хуҗалыгы һәм азык-төлек министрлыгы җитәкчелеге күбрәк  безне тәнкыйтьли, шулай да проблема бездә генә түгел. Быел коры сөт чамасыз күп кертелү сәбәпле, Россиядәге табигый чималга сорау бик нык кимеде. Кайбер предприятиеләр банкротлыкка чыкты. Без узган елның җәендә генә потенциал инвесторларны табуга ирештек. Ә инде яңа баштан эшли башлаган предприятиеләргә сәүдә үзәкләрендә үз урыннарын тапканчы шактый вакыт кирәк. Озак еллар безнең белән килешү төзегән оешмалар да коры сөткә өстенлек биреп, сөт сатып алудан баш тартты. Һәм, нәтиҗәдә, бәяләр төшә башлады. Хәзер безгә вакыт кирәк. Казан комбинаты буенча бик җитди программа бар. Миллиард сумга инвестиция проекты эшли. Аның нигезендә, комбинатка бер тәүлектә мең тонна сөт эшкәртү бурычы куелды. Алар хәзер сөт кабул итү күләмен көннән-көн арттыра. Җәйгә 400 тонна чимал эшкәртү планлаштыралар. Ә 2019 елга мең тоннага җиткерү ниятләнелә. Шушы ук программа Мамадыш, Чаллы, Бөгелмә комбинатлары буенча да эшли, – диде ул.  

Конкрет чараларга килгәндә, министр Татарстан Президентының язгы кыр эшләренә өстәмә рәвештә миллиард сум бүлеп бирүен, шулай ук сыер асраучы шәхси хуҗалыкларга биреләчәк субсидияләр турында да әйтеп узды.  

– Башка елларны без бу төр ярдәмне август аенда бирә торган идек, быел, шушы вазгыятьне күз уңында тотып, субсидияләрне февральдә үк бирергә булдык, – диде министр. – Федераль министрлык җитәкчелеге ни өчен шулай килеп чыкты, дигән сорау турында уйланып, анализ ясар, дип уйлыйм. Ни өчен илгә шуның кадәрле коры сөт кертелде? Әле кайчан гына Россиядә елына 6-7 миллион тонна сөт җитми иде һәм кинәт табигый чимал кирәксезгә әйләнде. Белгечләр төркеме бу мәсьәләдә эшли башлады инде.

Министр шулай ук 1 июльдән кертеләчәк электрон сертификация дә бу проблемаларның уңай якка чишелешенә берникадәр ярдәм итәчәгенә өметен белдерде. Ләкин бу 2018 елны ниндидер үзебезнең чаралар ярдәмендә ерып чыгарга туры киләчәген дә яшермәде.

Нравится
Поделиться:
Реклама
Комментарии (1)
  • 13 февраль 2018 - 20:45
    Без имени
    Авылнын 21 мен ала торган бер кешесен зинхар курсетегез элеее
  • 26 май 2018 - 17:35
    Раковина, унитаздагы күгәрекне ничек бетерергә? Раковина, унитаздагы күгәрекне бетерү өчен аш серкәсе кулланыгыз.
    137
    0
    0
  • 26 май 2018 - 17:34
    Тузганак балы ясау ЫСУЛЫ Мин һәр елны шушы чорда тузганак балы ясыйм.
    229
    0
    2
  • 26 май 2018 - 15:38
    Көтәр кешең булса... «Дөнья – куласа, гел басмаса да, бер баса» диләр. Шулай, ахры... Гомер иткән ирең сине күрми-белми, синең белән исәпләшми башласа, башыңа авыру төшсә, хәлләр хөртиләнә икән шул...
    285
    0
    4
  • 26 май 2018 - 09:39
    Тимершәехнең изге догасыннан башланган юл Адәм балаларыныкы кебек, авылларның да язмышы төрле. Кайсылары дөньяга барлыгын белдергәннән бирле яши, үсә, киңәя, тарихта үзенең урынын билгели. Әмма шул ук вакытта таралып юкка чыкканнары, исеме онытылганнары да шактый. Бәхетле очрак булып, аларны һәвәскәр тарихчылар эзләп табар бәлки, картада урынын билгеләр, халык хәтеренә теркәр. Сабый дөньяга аваз салганда, «Бәхете белән тусын» диләр, бу авылларга да кагыла, күрәсең. Тимершәех атлы кеше, авылга нигез салганда, нинди догалар укыгандыр, әмма исеменең гасырлар буена халык телендә генә кабатланмыйча, дөнья тарихына языласын, күпләрнең язмышын шул җирлеккә бәйләячәген күз алдына да китермәгәндер. Тимершәехтән Тимуш-Тимәшкә әверелгән әлеге авылның бөтен дөньяга танылуына берничә сәбәп бар, әмма күбрәк ул кара алтын белән бәйле.
    131
    0
    0
  • 26 май 2018 - 09:31
    Китап бәйрәме Татарстан китап нәшриятының иң яхшы китаплары илнең төп мәдәни бәйрәмендә тәкъдим ителәчәк. 31 майдан алып 3 июньгә кадәр Мәскәүдә «Кызыл мәйдан» дип аталган китап фестивале узачак. Дүрт көн барган фестивальдә илнең иң яхшы театрлары һәм музыкаль коллективлары үзләренең программаларын куячак. 
    81
    0
    0
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    316
    0
    0
  • 25 май 2018 - 16:41
    Косметик чаралар сайлаганда нәрсәгә игътибар итәргә? Косметик чараларның составы белән кызыксынасызмы? Укып карап, берни дә аңламадык дияргә җыенасызмы? Алай икән, түбәндәге киңәшләребез сезнең өчен.
    131
    0
    0
  • 25 май 2018 - 16:13
    «Чемпионат бетәчәк, кунаклар китәчәк, ә болар барысы да шәһәргә калачак» Казан 2018 елгы футбол буенча дөнья чемпионаты алдыннан “МАЗ 203” маркалы түбән идәнле 94 автобус алды.
    302
    0
    0
  • 25 май 2018 - 14:20
    Булгур ярмасы ашагыз: картаюны акрынайта, бавыр эшчәнлеген көйли, организмны шлаклардан чистарта Соңгы елларда, борай кебек үк, булгур ярмасы да популярлашты. Әлеге файдалы ярмадан пылау да, аш та, ботка да пешерәләр, салат та ясыйлар.
    188
    0
    1
  • 25 май 2018 - 13:50
    Гүзәл Уразова: «Илдар мине танымады» Бу көннәрдә мәктәпләрдә соңгы кыңгыраулар чыңлады. Барлык чыгарылыш сыйныф укучыларын тәбрик итәбез һәм ак юллар телибез!
    5584
    1
    73
  • 25 май 2018 - 12:29
    «Туган тел кадерләп һәм җаваплы итеп сакларга бирелгән әманәт булып тора» Милли телләрне ирекле өйрәнү турындагы закон проектына каршы Мәскәүдә, 15 милли республика вәкилләре катнашында, зур түгәрәк өстәл узды. Аның нәтиҗәсе буларак, тиздән «Россия халыкларының демократик конгрессы» барлыкка киләчәк.
    176
    0
    0
  • 25 май 2018 - 11:13
    Яхшы куасны ничек сайларга? Җәй җитү белән, халыкның әлеге традицион эчемлеген сатучылар арта. Шунлыктан базарда тәкъдим ителгән куасны ничек дөрес сайларга дигән сорау аеруча актуаль яңгырый. ТР Дәүләт алкоголь инспекциясе белгечләре күбекле эчемлек сайлаганда ялгышмаска өйрәтә.
    218
    0
    1
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 26 май 2018 - 10:52
    Бүген Россиядә эшмәкәрлек көне
    Россия эшмәкәрлек көне ел саен 26 майда билгеләп үтелә. Бу көн Россия Федерациясе Президентының “Россия эшмәкәрлек көне турындагы” Указы белән гамәлгә куелган.
    64
    0
    0
Ночной режим