16+

«Алкаш ясыйсыз бит инде...» 

Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.

Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.



Бер ир авыл кибетенә «төшәргә» була. Ә кибет, билгеле инде, ул вакытта агачтан салынган борынгы бура. Бу ир караңгы төндә, такталарны каерып, идән астыннан кибеткә керә. Сизмәсеннәр дип, бер генә ярты аракы алып чыга.
Шулай да була икән: сизмәгәннәр моның кибеткә кергәнен. Теге такталарны әйбәтләп куйган бит әле ул.
 Икенче көнне тагын бу такталарны каерып керә, күп алмый – бер ярты аракы гына.
Бер ай буе шулай кабатлана бу хәл. Шунысы кызык: ирнең аракы «ташыганын» беркем дә сизмәгән. Бер ай үткәч, үзе кибеткә килгән. Елаплар ялвара икән:
– Үтерәсез бит. Алкаш ясыйсыз бит инде, ныклап ямап куегыз әле шул тишегегезне, – дип әйтеп биргән ди бу. 
Тишекне ямаганнар, диләр...
Теге иргә дә берничә ел «ямап» куйганнар инде.

Язмага реакция белдерегез

2

0

0

0

0

Реакция язылган инде

Комментарийлар

Мөһим

loading