Шәһри Казан

Паралимпиадада «көмеш» медаль алган Марта Зәйнуллинаның тренеры: «Ике тапкыр аздан гына медальсез калу аның канын кыздырган»

Түбән Кама кызы, Пхенчхан шәһәрендә узган Паралимпия уеннарында Россия җыелма командасында Татарстаннан бердәнбер булган спортчы Марта Зәйнуллина көмеш медаль яулады.

Чаңгычы кыз ун чакрым дистанциядә шәхси ярышта икенче булып килде. Ул әлеге араны 43 минут 52,1 секунд эчендә узды. Зәйнуллинаның быелгы Паралимпиадада беренче медале бу. Узган ярышларда “утырып” шуучы спортчылар арасында ул 12 һәм 6 чакрым аралыкларда дүртенче булып килгән иде. Күрәсең, ике тапкыр аздан гына медальсез калу спортчы кызның канын кыздырган. Нинди дә булса ярышта җиңү яулау өчен спортчыга тырышлык кына түгел, бераз усаллык, үз-үзеңне җиңә белү дә кирәк әле. Мартаның беренче тренеры, биатлон һәм чаңгы ярышлары буенча Россиянең атказанган спорт мастеры, паралимпия уеннарының көмеш һәм бронза призеры Ирина Полякова сүзләренчә, анда бу сыйфатлар бар.

– Көмеш медаль яулаганын күрми калдым, ярыш вакыты безнең өчен уңайсыз бит. Ә менә узган ике ярышны аның белән бергә шөгыльләнгән барлык кешеләр бергә җыелышып карадык. Дүртенче урын алгач ачу чыкты инде. Үз тәҗрибәмнән чыгып әйтә алам, спортчыга дүртенче урын алудан да яманрак нәрсә юк, – ди тренеры Мартаның Паралимпиададагы соңгы чыгышлары турында.

 Марта 1990 елның 30 июлендә Түбән Кама шәһәрендә туа. Кечкенәдән малайлар арасында уйнап үсә. Абыйсы Марат белән дзюдога йөри. Башка кызлар көрәшергә куркып торганда, ул курыкмыйча егетләр белән келәмгә чыга. Язмыштыр инде, иреннәренә иннек сөртеп, күзләренә сөрмә салып башка кызлар кебек егетләр белән “свидание”ләргә йөри торган чагында, ул авырып хастаханәгә ята. Саркома дигән чир кызны бер аяксыз итә. Аннан соң дәваланулар, химия үтү, депрессия... Нәкъ менә тормышының шушы караңгы чорында Мартаны беренче тренеры Ирина Полякова таба.

– Протез заводында картотеканы актарганда Мартаны тәкъдим иттеләр миңа. Мин аңа шалтыраттым, спорт белән шөгыльләнергә мөмкинлекләр бар дидем. Ул вакытта Марта әле X сыйныфта укый иде. “Минем әле укыйсым бар”, - дип баш тартты. “Укый да, бәби дә таба аласың, шул ук вакытта спорт белән дә шөгыльләнә аласың!” – дип үгетләп карадым. Мин үзем дә ике аяксыз, интернатта үскән кыз. Спорт кияүгә чыгарга да, бәби алып кайтырга да, акча эшләргә дә комачау итмәде. Ләкин ул ризалык бирмәде. Аннан, мәктәпне тәмамлагач, мине үзе эзләп тапты. Дөресен әйтәм, аның белән эшли башлаган вакытларда, Марта Паралимпиадага кадәр барып җитәр дип уйламадым да. Ул әле аяклары сау вакытта да бер тапкыр да чаңгыга басып карамаган кеше иде. Фигурасы да туры килмәде, бераз тазарак иде. Беренче вакытларда бик авыр булды. Марта кечкенә бала кебек иде. Яңа туган балаларны да бит, елаудан башка берни белмәгән чакта, бер кеше дә шөгыльләнми. Ә үсеп тәпи йөри башлагач барысының да сөясе килә. Марта белән дә шулай булды. Атнасына өч тапкыр спорт залында шөгыльләндек, көн саен Аккош күлендәге урманда чаңгыга бастык. Трасса буйлап ун чакрым – Яшел Үзәнгә, ун чакрым кире Казанга таба йөри идек. 2013-2014 елларда үзен күрсәтә башлады ул, – ди тренеры Ирина Поликова.

Реклама

2014 елда Сочида узган Паралимпия уеннарында Марта Зәйнуллина чаңгы спринтында өченче урынны алуга иреште. Бу җиңү җиңел гына бирелмәде аңа. Трассада Германия спортчысы кагыйдә бозып, аңа финишка өченче булып килеп җитәргә комачаулаган иде. Шул вакытта хөкемдарлар Германия спортчысын ярыштан төшереп, өченче урынны Мартага бирә. 2015 елда исә Зәйнуллина биатлон буенча дөнья чемпионы титулын яулый.

Беренче Паралипия уеннарыннан кайтканнан соң Марта: “Иң мөһиме - төшенкелеккә бирелмәскә, ешрак елмаерга! Авыл хәлдә калгач, спортны тормыш биргән мөмкинлек буларак кабул итәсең”, – дип, журналистларга үз кичерешләре турында сөйләгән иде. Соңгы дүрт елда ул Көньяк Кореяда уза торган менә шушы Паралимпиадага әзерләгән.

Марта кебек көчле рухлы кешеләр бүген алтын бәясенә тиң. Татарстан Республикасы физкультура-спорт буенча инвалидлар җәмгыяте рәисе Фәридә Сафиуллина сүзләренчә, мөмкинлекләре чикле кешеләрне спорт белән шөгыльләндерү җиңелләрдән түгел.

– Дөресен әйтәм, безгә су буе чират тормыйлар! Марта шөгыльләнә башлаганда әле телефон, интернет кебек “уенчыклар” юк иде. Инвалидлар теләсә-теләмәсә дә үзен күрсәтү өчен спорт белән шөгыльләнде. Ә хәзер теләүчеләр бик аз. Гәрчә, республиканың Яшьләр эшләре һәм спорт министрлыгы, Хезмәт, халыкны эш белән тәэмин итү һәм социаль яклау министрлыгы спорт белән шөгыльләнәсе килгәннәргә һәрьяктан ярдәм итсә дә, – диде Фәридә Сафиуллина.
Ирина Полякова да инвалидларны спорт белән шөгыльләнергә өндәп үзе йөри.          
– Теләк белдерүчеләр бик аз. Татарстанда спорт белән шөгыльләнергә барлык мөмкинлекләр дә бар. Аның өчен диваннан торып ни дә булса эшли башларга гына кирәк! – диде Паралимпия уеннарының көмеш һәм бронза призеры.

 

Нравится
Поделиться:
Реклама
Комментарии (0)
  • 20 май 2018 - 10:53
    Төпсез чиләкләр Шәһәрдә яшәгән бала авылга кунакка кайта икән, ул төп йорттагы эреле-ваклы проблемаларны хәл итәргә, анысын-монысын төзәтергә, кыскасы, ул монда нәрсәдер эшләргә тиеш. Шәһәрдә дә кеше кул кушырып утырмый. Эт булып арырга мөмкин. Арыгансың икән – авылга кайтма. Ял итеп, йокыңны туйдырып кайт, чөнки монда синең кайларда нишләп йөрүең беркемгә дә кирәк түгел. Йоклап ята алмыйсың. Язу-сызу белән өстәл башында утыру да – соңгы чиктә генә.
    236
    0
    3
  • 20 май 2018 - 10:43
    «Рәхмәт сиңа, «алтын куллы» әтием!» Мин сезне үземнең алтын куллы әтием – Сәләхов Рамил Җәмигънур улы белән таныштырмакчы булам.
    151
    0
    0
  • 20 май 2018 - 10:10
    75
    0
    0
  • 20 май 2018 - 09:38
    Бабайлар һәм әбиләр, бакчага чыгыгыз! Казанның Авиатөзелеш районындагы «Крылья Советов» паркында 26 майда 12.00-18.00 сәгатьләрдә «Тормыш сөючеләр көне» бәйрәме була.
    75
    0
    0
  • 19 май 2018 - 13:00
    Илсөя Бәдретдинова: «Ул мине хәзер алдына алып сөя» Соңгы арада Илсөя Бәдретдинованы Инстаграм аккаунтына романтик рух керде: ниндидер ир-ат белән төшкән фотолар, һәрчак чәчәк гөлләмәләре... Илсөябез үзе дә чәчәк кебек: көннән-көн матурлана.
    2403
    0
    13
  • 19 май 2018 - 12:40
    Афиша 21-27 май
    208
    0
    0
  • 19 май 2018 - 12:35
    128
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    294
    0
    5
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    205
    0
    0
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    207
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    113
    0
    0
  • 18 май 2018 - 20:01
    Быелгы «Бәллүр каләм» тапшыру тантанасында «Шәһри Казан»ның ике журналисты бүләкләнде Редакциябезнең талантлы һәм тәҗрибәле журналисты Дилбәр Гарифуллина күпьеллык фидакарь хезмәте өчен Дәүләт Советы рәисе Фәрит Мөхәммәтшинның рәхмәт хаты белән бүләкләнде.
    208
    0
    2
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 16 апрель 2018 - 10:23
    Корица белән бал кушылмасы яман шештән саклый Корица белән бал кушылмасы (бер өлеш корицага биш өлеш бал) ашказаны авыруларын җиңә, организмны вируслардан саклый, йөрәкне ныгыта.
    839
    0
    2
  • 16 апрель 2018 - 11:14
    «Нәни кулы белән бармагымны эләктереп алгач, җиңәчәгебезне аңладым» 2016 елда Татарстанда 110 мең бала вакытыннан алда туган. Бүген медицина алга киткән заманда, җитлекмичә дөньяга килгән сабыйларны тәрбияләү мөмкин эш. Республика клиник хастаханәсендә 460 граммлы булып туган баланың да гомерен саклап кала алганнар иде. Мондый үзенчәлекле сабыйларны тәрбияләү турында Республика балалар клиник хастаханәсенең патология белән туган сабыйлар һәм җитлекми туган балалар бүлеге җитәкчесе неонатолог Фатыйма КАЗАКОВА белән сөйләштек.
    686
    0
    1
  • 16 апрель 2018 - 12:09
    Гади ихлас балачак, кайда син? Оныгыма мәктәпкә макулатура алып килергә кушканнар. Өй бетереп, кирәкмәгән кәгазь эзлибез, ди кызым. Хәзер кытлык заманы түгел, бөтен әйберне дә табып була, мин әйтәм.
    471
    0
    3
Ночной режим