Казанда «Милли театр сәнгате һәм гомумән театр» җәмәгать лекциясе узачак

21 февральдә 18.00 сәгатьтә "Смена" Заман мәдәният үзәгендә "Милли театр сәнгате һәм гомумән театр" дигән темага җәмәгать лекциясе була. Алып баручы - Галиасгар Камал исемендәге Татар дәүләт академия театрының баш режиссеры Фәрит Бикчәнтәев. Рухы һәм шәкеле белән халыкчан Камал театры ничек итеп татар милли сәнгатеннән ерак булган спектакльләр иҗат итә? Милли театр нинди булырга тиеш? Нәрсә мөһимрәк: традицияләргә тугры калыргамы яки яңа театраль алымнар табаргамы? Фәрит Бикчәнтәев шушы катлаулы сорауларга карата үз фикерләрен тәкъдим итәчәк.