Шәһри Казан

Иҗтимагый палата ярдәм күрсәтергә әзер

Тормышта төрле четерекле мәсьәләләр килеп тумыйча калмый. Мондый чакларда төшенкелеккә бирелергә кирәкми. Республикада хакимият органнары белән беррәттән Иҗтимагый палата барлыгын да хәтерегездән чыгармагыз. Шәһәрләрдә һәм районнарда Иҗтимагый палатаның башлангыч оешмалары гамәлдә.

Татарстан Республикасы Дәүләт Советының кече залында 14 ноябрьдә Татарстан Республикасы Иҗтимагый палатасы үзенең секция утырышын үткәрде. Аның эшендә Дәүләт Советы депутатлары, муниципаль берәмлекләр һәм министрлыклар белән ведомстволар каршындагы җәмәгать советлары вәкилләре, Иҗтимагый палата һәм җәмәгать оешмалары әгъзалары катнашты.

- Республикада кеше хокукларын яклауда Татарстан Республикасы Конституция судының ярдәме зур, үзара хезмәттәшлектә эшлибез,-дип әйтеп үтте үзенең кереш сүзендә Иҗтимагый палата рәисе Анатолий Фомин.

Татарстан Республикасы Конституция суды рәисе Фәрхәт Хөснетдинов та үз чиратында Иҗтимагый палатаның актив булуын әйтеп үтте. Конституция суды белән Иҗтимагый палата үзара хезмәттәшлекне алга таба да дәвам итү, халыкка бушлай юридик ярдәм күрсәтүне оештыру турында киләшү кабул итте. Бушлай юридик ярдәм халыкка Конституция суды, Иҗтимагый палата, Татарстан республикасының кеше хокукларын яклау буенча вәкаләтле вәкил, хакимият органнары хезмәткәрләре катнашындагы  очрашулар вакытында күрсәтелә. Мондый очрашулар республика шәһәрләрендә һәм районнарында эзлекле тәртиптә үткәрелеп килә.
Татарстан Иҗтимагый палатасының шәһәрләрдәге һәм районнардагы оешмалары арасында конкурс үткәрелә. Быелгы конкурста әле башлангыч оешмаларның барысы да катнашмаган. Анатолий Фомин җиңүчеләрне бүләкләде, калганнарны да конкурста катнашырга чакырды.

Реклама

Татарстан Республикасы Президентының эчке сәясәт мәсьәләләре буенча департаменты җитәкчесе урынбасары-гражданлык җәмгыяте институтлары белән багъланышлар буенча идарә җитәкчесе Роман Беляков та социаль эчтәлекле эшчәнлек алып баручы коммерциячел булмаган оешмаларга Татарстан Президенты грантлары-премияләре бирелүен искәртте. Татарстан Республикасы Дәүләт Советы депутаты, законлылык һәм хокук тәртибе буенча комитет рәисе Шакир Ягудин әйткәнчә, республикада коммерциячел булмаган 5,5 мең оешма эшли.

Секция утырышында дәүләт хакимияте һәм җирле үзидарәләр органнары белән гражданлык җәмгыяте институтлары арасында үзара хезмәттәшлекне тагын да ныгыту зарурлыгы турында резолюция кабул ителде.

 

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    436
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    310
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    359
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    48
    0
    1